ЯҢАЛЫКЛАР


22
август 2019 ел.
пәнҗешәмбе

Татарстан Республикасында профильле мәгариф учреждениеләрендә алдынгы оешмалар белән эшче кадрлар әлезрләүче 37 ресурс үзәк булдырылды. 2020 елда аларның саны 41гә җиткереләчәк - оешмалар төбәкнең сәнәгать предприятиеләренә кадрлар резервын туплау өлкәсендә зур өлеш кертәләр. 

Бу хакта бүген Татарстан Республикасы Президенты Рөстәм Миңнеханов WorldSkills стандартлары нигезендә һөнәри осталык буенча 45 нче дөнья чемпионатын ачуга багышланган матбугат конференциясендә хәбәр итте. 

Матбугат конференциясендә шулай ук Россия Хөкүмәте Рәисе урынбасары Татьяна Голикова, WorldSkills International президенты Саймон Бартли, “Яшь профессионаллар” (WorldSkills Russia) берлеге генераль директоры Роберт Уразов катнашты. 

Татьяна Голикова хәбәр иткәнчә, чемпионатта 56 компетенциядә 63 илдән 1351 конкурсант катнашачак. 

Татьяна Голикова сүзләренчә, якынча 250 мең кеше ярышларда тамашачы булыр дип көтелә. Чемпионатны уздыруда 80 илдән 3,5 волонтер катнаша. Ул хәбәр иткәнчә, һәр ил бу чараны идеяләр белән баетырга тырыша. Әйтик, Россия тәкъдиме буенча ярышларда беренче кат 13 яшьтән башлап мәктәп укучылары катнаша («ВорлдСкиллс Джуниор»). Шулай ук киләчәк һөнәрләре өлкәсендә ярышлар узачак (Future WorldSkills). 

Татьяна Голикова искәрткәнчә, махсус чемпионат өчен илдә иң эре күргәзмә үзәге - "Казан Экспо" - төзелде. Аның гомуми мәйданы - 269 мең кв. метр. 

Татарстан Президенты үз чиратында хәбәр иткәнчә, әлеге зур күләмле проект бөтен Россия өчен әһәмиятле чара. "Илебез әлеге хәрәкәтнең 60 еллык тарихында беренче кат кабул итә бу ярышларны, - диде ул. - Бу, беренче чиратта, бик җаваплы. Казанда үткәрелә торган һәр зур халыкара проект республикабыз һәм шәһәр үсешенә өлеш кертә". 

Рөстәм Миңнеханов сүзләренчә, нәкъ Татарстанда күпчелек инновацион проектларны гамәлгә ашыруны сынап карыйлар. 

"Бүген Татарстанда гамәлгә ашырыла торган бөтен проектлар республикада тормышны уңайлырак һәм рәхәтрәк итүгә юнәлдерелгән, - диде Рөстәм Миңнеханов. - Без Россия җитәкчелегенә, WorldSkills International делегатларына 2015 елда Казанга дөнья чемпионатын уздыруны ышанулары өчен рәхмәтле. Махсус ярышлар өчен "Казан Экспо" халыкара күргәзмә үзәге төзелде".

"Без Россия Федерациясе Президенты Владимир Путинга Татьяна Голикова рәислегендә федераль оештыру комитетын булдыру һәм бөтен мәсьәләләрне федераль дәрәҗәдә оператив хәл итү өчен рәхмәтле. Чемпионат кына түгел, ә WorldSkills хәрәкәтенең эшче һөнәрләргә тәэсире дә кыйммәтле", - диде Рөстәм Миңнеханов һәм катнашучыларга зур уңышлар теләде. 

Мәгълүмат-консультация төркеме Татарстан Республикасының Болгар шәһәренә һәм Спас районының Никольское авыл җирлегендә түләүсез юридик ярдәм күрсәтте. Чарада ТР Төзелеш,архитектура һәм торак-коммуналь хуҗалыгы министрлык юридик бүлеге белгече Л.А.Әхмәтҗанова катнашты.


21
август 2019 ел.
чәршәмбе

Татарстан Республикасы төзелеш, архитектура һәм торак-коммуналь хуҗалык министрлыгының Рәхмәт хаты белән Ирек Фәйзуллин Татарстан Республикасының Кырым Республикасындагы һәм Севастополь шәһәрендәге даими вәкиле Шәяхмәтов Руслан Камил улын бүләкләде. Рәхмәт «югары профессиональлек һәм нәтиҗәле хезмәттәшлек өчен» игълан ителде.

Татарстанда "Безнең ишек алды" ишек алларын төзекләндерү буенча яңа программа гамәлгә ашырылачак. Бу хакта Татарстан Республикасы Президенты Рөстәм Миңнеханов  белдерде. 

ТР Президенты белдергәнчә, бүгенге көндә республикада социаль, татарстанлылар тормышы сыйфатын яхшыртуга юнәлдерелгән 40 программа гамәлгә ашырыла. Проектлар бөтен өлкәләргә дә кагыла: торак комплексы, сәламәтлек саклау, мәгариф, юл төзелеше, иҗтимагый киңлекләрне үстерү һәм башкалар. 

Рөстәм Миңнеханов сүзләренчә, тупланган зур тәҗрибә "Безнең ишек алды" программасын гамәлгә ашыруда ярдәм итәчәк. Әлеге проект кысаларында 2020 елга кадәр өч елда бөтен күп фатирлы йортлар ишек алларын төзекләндерү планлаштырыла. Әлеге макстака 50 млрд. сум бүлеп бирү карала. 

Татарстан Президенты ассызыклаганча, "Безнең ишек алды" программасын төзү алдыннан халык белән зур эш үткәрелде. Аерым алганда, кирәкле эшләр исемлеге билгеләнде, алар арасында эскәмияләр, яктырткычлар кую, балалар мәйданчыкларын төзекләндерү һәм автомобильләр өчен парковкалар оештыру бар. 


20
август 2019 ел.
сишәмбе

2020-2021 елларда Татарстанда 50 яңа балалар бакчасы төзеләчәк. Бу хакта бүген ТР Министрлар Кабинетында үткән брифингта Татарстан төзелеш, архитектура һәм торак-коммуналь хуҗалык министры Ирек Фәйзуллин хәбәр итте.

“Без ТР Мәгариф һәм фән министрлыгы белән берлектә 2020-2021 елларда 50 балалар бакчасы төзү программасын эшләп бетердек, аларны без файдалануга тапшырачакбыз”, - диде Ирек Фәйзуллин.

Министр әйтүенчә, мәгариф объектларын капиталь ремонтлау дәвам итә. “29 мәктәпне, 112 балалар бакчасын, 9 коррекцион мәктәпне, 115 мәгариф объектларының функциональ зонасын ремонтлыйбыз”, - диде ул.

Ирек Фәйзуллин әйтүенчә, республикада ресурс үзәкләренә капиталь ремонт ясала – хәзерге вакытта 17 объектта эшләр бара. Спорт объектларын төзү дәвам итә – 105 универсаль спорт мәйданчыгы һәм 8 чаңгы базасы төзелә. “Ел ахырында бу эшләр тәмамланачак”, - диде министр.

Очрашу җылы дустанә атмосферада, гаиләдәгечә узды. Төзелеш министрлыгы җитәкчелеге һөнәри осталык буенча «WorldSkills Kazan 2019» чемпионаты алдыннан WorldSkills Russia милли җыелма командасы белән очрашу уздырды.WorldSkills буенча Рәссәй җыелма командасы өчен һөнәри осталык чемпионатының 4 компетенциясендә ватандашларыбыз чыгыш ясаячак: Никита Комаров «Бетон төзелеш эшләре», Радик Сираҗетдинов (дублер), Дмитрий Малинов «Сантехника һәм җылылык», Илназ Акмалов «Сантехника һәм җылыту – юниорлар», Станислав Козырев «Ландшафт дизайны».  22-27-нче август көннәрендә Татарстан Республикасы башкаласы беренче тапкыр WorldSkills стандартлары буенча һөнәри осталык буенча 45-нче дөнья чемпионатын кабул итәчәк. Анда дөньяның 69 иленнән 1500 тирәсе конкурсант катнашачак. Төзелеш министрлыгы вәкилләре билгеләп үткәнчә, әлеге дәрәҗәле ярышларда катнашу аеруча зур дәрәҗә һәм югары җаваплылык. «Сезнең җиңүләрегез эшче һөнәрләргә карата кызыксыну уятырга ярдәм итә».


19
август 2019 ел.
дүшәмбе

Чаралар комплексы «Торак һәм шәһәр мохите» илкүләм проектын тормышка ашыруга юнәлдерелгән, дип хәбәр итте РФ төзелеш һәм торак-коммуналь хуҗалык министры урынбасары Дмитрий Волков. «Кагыйдәләрнең төзелеш җыелмаларының беренче редакцияләре проектлары, кагыйдәләр җыелмаларына үзгәрешләр, элегрәк расланган кагыйдәләр җыелмасын яңадан карау – 36 эш-халык алдында фикер алышу өчен урнаштырылган, аларда тармакның барлык кызыксынган вәкилләре катнаша ала. Безнең алда «Торак һәм шәһәр мохите» илкүләм проектын тормышка ашыру кысаларында алты ел дәвамында йөзләгән норматив-техник документларны тиешле дәрәҗәгә китерү бурычы тора. Бу эштә "Төзелеш" 456 ТК Стандартлаштыру буенча техник комитет экспертлары да актив катнаша", – диде Дмитрий Волков. Кагыйдәләр җыелмасына үзгәрешләр һәм норматив системада принципиаль яңа документлар алдынгы технологияләрне кертүгә ярдәм итәргә тиеш, дип билгеләп үтте «Төзелештә тәңгәллекне нормалаштыру, стандартлаштыру һәм техник бәяләү Федераль үзәге» Федераль автоном учреждениесе директоры Андрей Басов.

Агымдагы ел ахырына Татарстан районнарында универсаль спорт мәйданчыклары саны меңгә якынлаша. Татарстанның Питрәч районының Татар Тау Иле авылында яңа универсаль спорт мәйданчыгын ачу тантанасы булды. Тантанада катнашучылар арасында Татарстан Республикасында Кеше хокуклары буенча вәкаләтле вәкил Сәрия Сабурская, Питрәч районы башлыгы Илһам Кашапов һәм башка рәсми затлар бар иде. Ясалма өслекле спорт мәйданчыгы, барыннан да элек, мини-футбол уеннары өчен билгеләнгән. Ул тәүлекнең караңгы вакытында физкультура һәм спорт белән шөгыльләнү өчен фонарьлар белән җиһазландырылган. Объект республика программасы буенча төзелгән районда 13 нче мәйданчык булды инде.

Татарстанда 2019 елга күпфатирлы йортларны капиталь ремонтлау программасы буенча эшләр 80%ка башкарылган. Программа кысаларында барлыгы республиканың 42 районында 942 күп фатирлы йортларны ремонтлау планлаштырыла. Бу хакта бүген ТР Хөкүмәте йортында узган киңәшмәдә Татарстан төзелеш, архитектура һәм ТКХ министрының беренче урынбасары Алексей Фролов хәбәр итте.

Киңәшмәне видеоконференцэлемтә режимында ТР Премьер-министрының беренче урынбасары Рөстәм Нигъмәтуллин уздырды.

Алексей Фролов үзенең докладында сөйләгәнчә, “Демография” илкүләм проекты кысаларында 2018-2019 елларда 6010 урынга, шул исәптән 3090 ясле урынына исәпләнгән 29 балалар бакчасы төзү планлаштырыла. 16 августка булган мәгълүматларга караганда, 8 объектта эшләр тәмамланган, 21 объектта эшләр дәвам итә.

15 августка 6 гомуми белем бирү оешмасы ремонтланган, 23 объектта эшләр бара. Шулай ук 9 интернат-мәктәптә һәм 91 мәктәпкәчә учреждениедә капиталь ремонт дәвам итә.

Төзекләндерү эшләре 1 ресурс үзәгендә, 3 балалар лагерендә, 14 яшүсмерләр клубында, 3 яшьләр үзәгендә, 14 мәдәният объектында, 22 муниципаль берәмлек башкарма комитет бинасында һәм 7 социаль хезмәт күрсәтү учреждениесендә һәм 7 муниципаль архив биналарында төгәлләнгән.

Шулай ук республикада 17 авыл клубында, 7 башкарма комитет бинасында һәм 22 халыкка комплекслы хезмәт күрсәтү блок-модульле пунктта төзелеш дәвам итә.

Халыкка беренчел медицина-санитар ярдәм күрсәтү программасы буенча 40 фельдшер-акушерлык пункты (5 объектта эшләр тәмамланган), 7 дәвалау амбулаториясе (2 объектта эшләр төгәлләнгән) төзелә, 5 сәламәтлек саклау объектында капиталь ремонт бара.


16
август 2019 ел.
җомга

Татарстанда торак йортлар югары темплар белән төзелә, республика төзелеш күләме буенча алдынгы 10 төбәк арасына керә. Бүген Россия вице-премьеры Виталий Мутко Казанга эшлекле сәфәре вакытында журналистларга шул хакта белдерде.

«Татарстанда торак төзелеше темплары югары. Хәзерге вакытта төзелеш этабында 3,5 миллион квадрат метрдан артык торак исәпләнә. 2-2,6 миллион квадрат метр торак сафка бастырыла. Бу республика өчен бик зур күләм. Татарстан Россиядә торак төзелеше күләме буенча алтынчы урынны били», - дип искәртте Виталий Мутко.

Ул Казанның «Весна» торак комплексына барды, андагы 1,5 мең укучыга исәпләнгән зур мәктәп төзелешен карады. Ул быелның 1 сентябрендә ачылырга тиеш.

«Әлбәттә, безнең бурыч – шунда ук мәктәбе, балалар бакчасы, уңайлы ишегалды территориясе булган комплекслы микрорайоннар төзү. Ул һәр гаилә: өлкән яшьтәгеләр, балалы гаиләләр өчен дә уңайлы мөмкинлекләр тудырылган район булырга тиеш. Без бүген Казанда күргән микрорайонда боларның барысы да каралган», - дип искәртте вице-премьер.

Бүген көннең икенче яртысында Татарстан Президенты белән РФ Премьер-министры урынбасары Казан Кремлендә «Торак һәм шәһәр мохите» илкүләм проектын гамәлгә ашыру барышына багышланган киңәшмә уздырачак.

 

 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования