Төзелеш һәм ТКХ өлкәсендә алдынгы тәҗрибәләрне яктырту буенча массакүләм мәгълүмат чараларының Бөтенрәссәй конкурсына гаризалар кабул итү төгәлләнә

Төзелеш һәм ТКХ өлкәсендә алдынгы тәҗрибәләрне яктырту буенча «Созидание һәм үсеш» VI Бөтенрәссәй массакүләм мәгълүмат чаралары конкурсына гаризалар кабул итү 8 октябрьдә тәмамлана. Чараны Рәссәй Федерациясе Төзелеш һәм торак-коммуналь хуҗалык министрлыгы, дәүләт корпорациясе – торак-коммуналь хуҗалыкны реформалаштыруга ярдәм итүче Фонд белән бергә үткәрә.

2020 елның 1 сентябреннән 2021 елның 30 сентябренә кадәр эфирга чыккан басмалар, телевизион һәм радиосюжетлар, мәгълүмати, аналитик һәм яңалык материаллары кабул ителә. Конкурс шартлары турында тулырак мәгълүматны смиконкурс.рф сайтында белергә мөмкин.

Конкурста катнашу өчен федераль, региональ һәм муниципаль массакүләм мәгълүмат чаралары, шулай ук Рәссәй Федерациясенең төзелеш комплексы һәм торак-коммуналь хуҗалыгы темаларын яктыртучы журналистлар чакырыла.

Конкурс түбәндәге номинацияләр буенча үткәрелә:

— Уңайлы шәһәр тирәлеген булдыру программаларын гамәлгә ашыруда гражданнарның катнашуы турында иң яхшы материал;

— Коммуналь инфраструктураны модернизацияләү һәм торак фонды белән идарә итү турында иң яхшы материал;

— Территорияләрне комплекслы үстерү турында иң яхшы материал;

— Төзелеш һәм ТКХ өлкәсендә белем бирү программалары һәм һөнәрләрне популярлаштыру турында иң яхшы материал;

— Гражданнарны авария хәлендәге торак фондыннан күчерү программаларын гамәлгә ашыру турында иң яхшы материал;

— Ипотека программаларын гамәлгә ашыру турында иң яхшы материал;

—  Заманча торак төзелеше булдыру турында иң яхшы материал;

—  Төзелештә яңа һәм энергия саклаучы технологияләр куллану турында иң яхшы материал;

 — ШТТ үсеше турында иң яхшы материал;

—  Кече шәһәрләрдә һәм тарихи җирлекләрдә төзекләндерү проектларын гамәлгә ашыру турында иң яхшы материал.

Җиңүчеләрне бүләкләү тантанасы 2021 елның ноябрь-декабрь айларында Мәскәүдә узачак. Конкурс буенча сорауларны түбәндәге адреска җибәрергә мөмкин: operator@mediacontest.ru.