ТР Төзелеш, архитектура һәм ТКХ министры И.Э. Фәйзуллин ветераннарны һәм эчке эшләр хезмәткәрләрен якынлашып килүче һөнәри бәйрәмнәре белән котлады

Хөрмәтле эчке эшләр органнары хезмәткәрләре һәм ветераннары!

Һөнәри бәйрәмегез белән ихлас котлауларымны кабул итегез! Югары омтылышыгызга һәм йөрәк кушканнарына таянып, сез батырлыкның чикләре юклыгын көн саен исбатлыйсыз. Җинаятьчелеккә каршы көрәштә сез, үз тормышыгызны куркыныч астына куеп, җәмәгать тәртибен ныгытуга зур өлеш кертәсез. Сезнең хезмәт күптән фидакарьлек, кыюлык, даими рәвештә кешеләргә ярдәмгә килергә әзер булу символы булып тора. Яшь хезмәткәрләр өчен үрнәк һәм әхлакый ориентир булган хезмәт ветераннарына аерым рәхмәт сүзләре җиткерәбез. Сезгә нык сәламәтлек, күңел көрлеге, гаилә иминлеге һәм Ватан хакына җаваплы хезмәтегездә уңышлар телим!