Чистай шәһәре идарәче компаниясе җитәкчесен торак йортларны карап тоту һәм ремонтлау кагыйдәләрен бозган өчен административ җаваплылыкка тарту турында
Чистай ЗТИ инспекторы, Чистай ш. Җиңүгә 40 ел урамы буенча 32 нче күпфатирлы торак йортны "Жилищник-3" ИК ҖЧҖ карата планлы тикшерү кысаларында үткәрелгән тикшерү нәтиҗәсендә, Торак фондын техник эксплуатацияләү кагыйдәләре һәм нормалары бозылу очракларын ачыклады, мисал өчен: фундамент күперчегендәге җитешсезлекләр: аерым өлешләрендә ярыклар булу; подвал бинасының җилләткеч уемнарында жалюзи рәшәткәләре юк; подвал бинасына керә торган җирдә болдыр идәне җимерелгән; баскыч урыннарында электр җайланмасыннан тиешенчә файдаланылмый: өзгечләр өлешчә җимерек; подвалны яңгыр сулары баскан.
Ачыкланган җитешсезлекләр Чистай ш. Җиңүгә 40 ел урамы буенча 32 нче торак йорт белән идарә итүче "Жилищник-3" ИК ҖЧҖ директорына карата РФ КоАП 7.22 статьясы буенча административ эш кузгату өчен сәбәп булды.
ЧЗТИ башлыгы карары нигезендә "Жилищник-3" ИК ҖЧҖ директоры гаепле дип танылды һәм 7.22 статьясы буенча 4000 сум күләмендәге штраф рәвешендә административ җаваплылыкка тартылды.
Ачыкланган җитешсезлекләрне бетерү өчен "Жилищник-3" ИК ҖЧҖ карата күрсәтмә бирелде, аның үтәлешен инспекция тикшереп тора.