Казанда яңа перинаталь үзәк ачылды
Казанда җиденче шәһәр хастаханәсе базасында яңа перинаталь үзәк ачылу тантанасы булды. Видеоэлемтә аша аны Россия Президенты Владимир Путин һәм Татарстан Раисы Рөстәм Миңнеханов ачты.
21 мең кв.метрдан артык мәйданлы 8 катлы үзәк җиденче госпитальнең бала тудыру йорты белән берләшәчәк. Планнарда - елына сигез мең бала таптыру.
Учреждениенең сыйдырышы 100 урын, бала тудыру җиде залда узачак. Шулай ук яңа туган балалар өчен дүрт операция бүлмәсе эшләячәк.
Перинаталь үзәктә яңа туганнарны карау өчен кювез – инкубаторлар белән яңа туганнарны реанимацияләү бүлеге дә бар. Нерв системасы авырулары булган балалар өчен медицина реабилитациясе бүлеге ачылды. Аналарның психоэмоциональ диагностика кабинетлары бар.
Заказчы - Татарстан Республикасының Главстрой.
Исегезгә төшерәбез, 2022 елның мартында ТР Рәисе Рөстәм Миңнеханов Казанда яңа перинаталь үзәккә беренче таш салган иде.