ТР Төзелеш министрлыгы башлыгы төзелеш һәм капиталь ремонт программалары буенча агымдагы эш турында сөйләде
ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәт Йортында узган киңәшмәдә төзелеш һәм капиталь ремонт программаларының Татарстанда ничек тормышка ашырылуы турында сөйләде.
Киңәшмәне Татарстан Республикасы Рәисе Рөстәм Миңнеханов барлык муниципаль районнар белән видеоконференцэлемтә рәвешендә уздырды. Киңәшмәдә шулай ук ТР Премьер-министры Алексей Песошин катнашты.
Марат Айзатуллин хәбәр иткәнчә, хәзерге вакытта компакт торак төзелеше өчен 4 мәйданчык төзекләндерелә. «Авыл территорияләрен комплекслы үстерү» дәүләт программасы буенча аларга 133 млн сум акча бүлеп бирелә.
2024 елда «Мәгариф» тармагында 5 объект төзү каралган («Мәгариф» илкүләм проекты һәм «Авыл территорияләрен комплекслы үстерү» дәүләт программасы кысаларында). Бу Лаеш районы Усады авылында һәм Казанда берәр мәктәп, Питрәч районы Көек авылында һәм Кукмарада элек төзелгән мәктәпләргә ике өстәмә корпус, Апаста бер балалар бакчасы. Бүгенге көндә ике контрактлы мәктәп буенча төзелеш-монтаж эшләре 5,7% тәшкил итә.
«Сәламәтлек саклау» тармагында 2 федераль һәм 2 республика программасы буенча 53 объект төзү планлаштырыла. Шуларның 51е медицинаның беренчел буынына карый. Бу гомуми практика табибы үзәге һәм Казанда һәм Түбән Камада ике поликлиника, контрактлар 19-20 февральдә төзелергә тиеш, һәм 48 фельдшер-акушерлык пункты. Республика программасына кергән 28 объект сату-алуга тапшырылган инде. Федераль өлеш буенча дәүләт контрактлары 20 февральдә төзеләчәк. Шулай ук икенчел медицина буынының 2 объекты - Саба районында кан тамырлары үзәге һәм Казанда кабул итү-диагностика бүлеге төзеләчәк (февраль ахырына кадәр контрактка кертеләчәк). Фельдшер-акушерлык пунктлары буенча төзелеш-монтаж эшләре 8 процентка җиткән. «Салават күпере» торак комплексындагы поликлиника буенча эшләр 35% ка җиткән.
Республикада яшьләр сәясәте өлкәсендә 6 балалар сәламәтләндерү лагеры төзеләчәк (алар буенча дәүләт контрактлары төзелгән инде), Балык Бистәсе районында яшьләр үзәге, Яр Чаллыда психологик-педагогик ярдәм бинасы реконструкцияләнәчәк. Бүгенге көндә өч балалар лагере төзелеше башланган (2% үтәлгән).
Спорт юнәлеше буенча бер республика һәм бер дәүләт программасы кысаларында 21 объект төзеләчәк. Бу 4 ябык футбол манежы һәм 15 универсаль спорт мәйданчыгы. Алар буенча контрактлар инде төзелгән.
Моннан тыш, объектлар арасында Кукмарада чаңгы-роллер трассасы һәм Апаста футбол кырына административ бина бар. Алар буенча дәүләт контрактлары 20 февральгә планлаштырылган.
«Мәдәният» тармагында «Авыл территорияләрен комплекслы үстерү» дәүләт программасы буенча 3 объект төзү планлаштырыла. Бу район мәдәният йорты һәм Мамадышта күп функцияле үзәк, Балык Бистәсендә балалар сәнгать мәктәбе.
«Экология» тармагында ике федераль проект буенча 3 объектны гамәлгә ашыру дәвам итә. БОСК Казанны реконструкцияләү буенча башкару 76% ка җитте, балчык кырларын рекультивацияләү буенча эшләр башкару - 66%, Саба районының Шәмәрдән авылында нефтьтән пычранулар белән бозылган җирләрне рекультивацияләү - 67%.
Марат Айзатуллин хәбәр иткәнчә, «Торак һәм шәһәр мохите» илкүләм проекты, уңайлы шәһәр мохитен булдыруның иң яхшы проектлары Бөтенроссия конкурсы һәм республика программасы кысаларында җәмәгать урыннарын төзекләндерү буенча зур күләмдә башкарылырга тиеш. 2024 елда 64 җәмәгать территориясе яңа кыяфәт алырга тиеш.
Башка республика программалары кысаларында агымдагы елда 111 млн сумлык 7 Башкарма комитет һәм 9 комплекслы хезмәт күрсәтү пункты төзү планлаштырылган (алар буенча дәүләт контрактлары төзелгән). 4 Башкарма комитет төзү буенча эшләр алып барыла (башкарылу дәрәҗәсе 6% тәшкил итә).
Марат Айзатуллин инженерлык челтәрләрен модернизацияләү программаларын гамәлгә ашыру турында хәбәр итте. Әйтик, биш республика программасы объектлары буенча дәүләт контрактларын март-апрель айларында төзү планлаштырыла. Федераль өлеш буенча өч программаны гамәлгә ашыру планлаштырыла. «Торак» федераль проекты буенча Биектау авылында 234 млн сумлык чистарту корылмалары төзелеше дәвам итәчәк (дәүләт контракты февраль ахырына планлаштырылган); «Авыл территорияләренең хәзерге кыяфәте» федераль проекты буенча 306 млн сумлык 7 инженер инфраструктурасы объекты гамәлгә ашырылачак (дәүләт контрактлары февраль ахырына кадәр планлаштырылган). 8 муниципалитетта тагын 48 объект коммуналь инфраструктураны модернизацияләү федераль программасына кертелгән, шуларның 41 объекты буенча контрактлар төзелгән.