Яр Чаллыда «Энергетик» мәдәният йортында капиталь ремонт тәмамланып килә

«Энергетик» мәдәният сараенда ремонт эшләренең дүртенче этабына керештеләр. Ул 70 нче еллар башында төзелгән. 47 ел эчендә мәдәни учреждениене өлешчә генә ремонтлаганнар. 9 мең кв. метр мәйданлы бинада масштаблы реконструкция беренче тапкыр үткәрелә. Исегезгә төшерәбез, аңа республика бюджетыннан 300 миллион сумнан артык акча бүлеп бирелгән иде. Бина эчендә дә үзгәрешләр көтелә. Дизайнерлар реконструкция проектын төзегәндә яңа тенденцияләрне исәпкә алдылар, шулай ук тамашачылар өчен уңайлылык турында да онытмадылар. Хәзер биредә инженерлык эшләрен тәмамлыйлар, шулай ук диварларны һәм яктылыкны тәртипкә китерәләр.