ЯҢАЛЫКЛАР

Торак фондына карата күпфатирлы йортларның түбәләрендә нормадан артык кар, боз һәм сөңгеләр тулу предметы буенча үткәрелгән тикшерүләр барышында Бөгелмә муниципаль районында үзәк инспекторлык бүлеге белгечләре РФ Дәүләт төзелеш күзәтчелеге агентлыгының 2003 елның 27 сентябрендәге 170 номерлы карары белән расланган Торак фондын техник эксплуатацияләү кагыйдәләре һәм нормалары бозылу очракларын ачыкланды, ә атап әйткәндә: Бөгелмә шәһәренең Шашин урамы буенча 7 нче йорт түбәсендә нормадан артык кар тулган иде.

Алабугада торак фондны капиталь ремонтлау программасы кысаларында 16 йортта ремонт эшләре алып барыла. “2017 елда программаның гомуми лимиты артты: аның өчен 132 миллион сум акча бүлеп бирелде. Программада 32 күп фатирлы йорт катнаша, аның 16сында эш инде башланып китте”,- ди департамент директорының беренче урынбасары Ольга Михайлова. 

Татарстан Россия субъектлары арасында энергия нәтиҗәлелеге рейтингында икенче урын (Хаты-Манси округыннан соң) яулады. Шундый нәтиҗәләрне бүген ТР Дәүләт Советының Икътисад, инвестицияләр һәм эшмәкәрлек комитеты һәм Һәркем сатып ала алырлык уңайлы торак һәм коммуналь хезмәтләр белән тәэмин итү дәүләт программасын тормышка ашыруны контрольдә тоту комиссиясе катнашында уртак утырышта ТР Энергияне сакчыл куллану технологияләре үзәге директоры Евгений Мартынов әйтеп узды.