Менделеевск районының Мунайка авылында күп функцияле үзәк төзелә

Авыл клублары төзү республика программасы нигезендә ТР Менделеевск районының Мунайка авылында тиздән  Күп функцияле үзәк барлыкка киләчәк, әлеге үзәктә авыл клубы гына түгел, фельдшер-акушерлык пункты, җирле үзидарә органнары, авыл китапханәсе дә булачак.

Заказ бирүче булып, ТР Баш инвестицион-төзелеш идарәсе, подрядчы оешма – “Стройхимсервис” ҖЧҖ тора. Төзелешкә 8 млн. сум бүленеп бирелгән. Бүгенге көндә түбәндәге төр эшләр эшләнгән:

1.                    Фундамент, цоколь, бетон идәннәр;

2.                    Бина дивары;

3.                    Түбә ябу эшләре тәмамланып килә;

4.                    Диварларны штукатурлау;

5.                    Су кертелгән, канализация урнаштырылган.

Объектны тапшыруның якынча вакыты  - 2013 елның октябре.