Питрәчтә район мәдәният йортына капиталь ремонт ясалган
Питрәчтә капиталь ремонтланган район мәдәният йорты үз ишекләрен ачты.
Мәдәният йортының гомуми мәйданы 2088 кв. м булган өч катлы бинасы 1968 елда төзелгән. Программа кысаларында биредә инженерлык челтәрләре, фасад һәм түбә ремонтланган. Эчке эшләр башкарылган, территория төзекләндерелгән, яңа җиһазлар сатып алынган һәм урнаштырылган.
Капиталь ремонттан соң район мәдәният йортында биналар тулысынча яңартылды. 270 кешегә исәпләнгән актлар залын заманча яктылык һәм тавыш җиһазлары белән тәэмин ителгән. Балалар һәм өлкәннәр китапханәләре, хореография залы, тавыш яздыру студиясе һәм ЗАГС бүлеге яңартылды. Хәзер халык театрында һәм декоратив-гамәли сәнгать түгәрәкләрендә катнашучылар – мәдәният йортында барлыгы 21 иҗат берләшмәсе уңайлы һәм заманча шартларда шөгыльләнәчәк.
Исегезгә төшерәбез, Татарстанда быел капиталь ремонт программасына 531 млн сумнан артык финанслау белән 19 мәдәният йорты кертелгән. Шул исәптән 17 объект – республика программасы буенча. Тагын 2 объект Мамадыш районында Красногорск авыл мәдәният йорты һәм Кукмара районында Балыклы авыл клубы «Гаилә» илкүләм проектының «Гаилә кыйммәтләре һәм мәдәният инфраструктурасы» федераль программасы буенча ремонтлана.
ТР ГИСУ фотосы