Татарстан Республикасы Төзелеш, архитектура һәм торак-коммуналь хуҗалык министрлыгы

Фәрит Хәнифов Җир һәм милек мөнәсәбәтләре министрлыгы коллегиясендә катнашты

2014 елның 31 гыйнвары, җомга

Бүген Җир һәм милек мөнәсәбәтләре министрлыгының "Татарстан Республикасы Җир һәм милек мөнәсәбәтләре министрлыгының 2013 ел нәтиҗәләре һәм 2014 елга бурычлары" темасына видеоконференция режимындагы коллегиясенең киңәйтелгән утырышы узды. Чарада ТР премьер-министры И.Ш.Халиков, ТР төзелеш, архитектура һәм торак-коммуналь министры урынбасары Фәрит Хәнифов, башка министрлык һәм ведомство җитәкчеләре катнашты.

Утырышта 2013 нче елдагы эш йомгаклары һәм 2014 елга бурычлар турында ТР җир һәм милек мөнәсәбәтләре министры Азат Хамаев доклад ясады. Ул хәбәр иткәнчә, Татарстан Республикасының дәүләт активлары 2014 ел башына 457,3 млрд сум тәшкил итә, узган елда 433,3 млрд сум булган. Республика милкендә 29,3 мең гектар җир бар.
Дәүләт һәм муниципаль милекне кулланудан керемнәр – холдингларга кергәннәрен исәпкә алып, якынча 14 млрд сум тәшкил иткән. 2012 ел белән чагыштырганда керемнәр 12%ка арткан.

Азат Хамаев дәүләт һәм муниципаль милек белән идарә итү өлкәсендә күп кенә төзелеп бетмәгән объектларда төзелешне тәмамлау яки капиталь төзекләндерүне финанслау мәсьәләләренең хәл ителми калганын белдерде. Елдан-ел аларның торышы начарлана, аларның инвестицион яктан җәлеп итүчәнлеклеге кими, якын арада аларны я төзеп бетерергә, я сатарга кирәк.

Илдар Халиков 2014 нче елның беренче кварталында дәүләт һәм муниципаль милек мәйданнарын тулысынча тикшерүне йөкләде. “Файдаланылмаучы һәм нәтиҗәсез файдаланылучы җирләр бип күп”, - диде ул.

2014 елда дәүләт милке керемлелеген арттыру юнәлешендә эшне дәвам итәргә кирәк. “Ышанам, яхшы потенциал бар”, - дип белдерде Илдар Халиков.

Дәүләт катнашы белән акционерлык җәмгыятьләре белән идарә итү сыйфатын күтәрү мәсьәләсе дә мөһим булып кала, шул исәптән, директорлар советы әгъзаларын укыту һәм башка мәсьәләләр дә.
Илдар Халиков сүзләренчә, банкротлык процедураларында республика мәнфәгатьләрен яклау мәсьәләсе проблемалы булып кала. “Монда без мактана алмыйбыз. Бездә элеккечә банкротлыкның идарәгә буйсынмый торган процедуралары бар”, - диде ул. Аеруча торак-коммуналь хуҗалык өлкәсендә юл куярга ярамый. Процесста намуслы идарәчеләр генә булырга тиеш, намуссызлык булганда, хокук саклау органнарына мөрәҗәгать итәргә кирәк”.

Шулай ук җир участокларының кадастр бәясе турындагы бәхәс тә хәл ителмәгән . “Без әлегә бу мәсьәләне хәл итмәдек. Базардагы намуссыз катнашучыларның бәяне алдан уйлап киметүе белән килешә алмыйбыз”, - диде ул.

Илдар Халиков күп балалы гаиләләргә җир кишәрлеге бүлеп бирү эше өчен министрлыкка аерым рәхмәтен белдерде. Премьер-министр әйтүенчә, Россиядә бирелгән җир участогының һәр дүртенчесе Татарстанга туры килә.

Законсыз рәсмиләштерелгән җир биләмәләрен кайтаруны дәвам итәргә кирәк. Монда, Илдар Халиков фикеренчә, Казанның халык ярдәмен җәлеп итү буенча тәҗрибәсе файдалы.

Коллегия тәмамланганда, Илдар Халиков министрлыкның хезмәткәрләренә бүләкләр тапшырды.

ТР Президенты Матбугат хезмәте материаллары буенча

БАРЛЫК ЯҢАЛЫКЛАРНЫ УКУ