I республикакүләм яшьләр арасында фәнни-техник проектлар конкурсы - "Энергоэффективлык һәм энергияне саклау"

Республикада "Энергоэффективлык һәм энергияне саклау" дип исемләнгән  I республикакүләм яшьләр арасындагы фәнни-техник проектлар конкурсы үткәрелә.
Конкурс фәнни-техник эшчәнлекне активлаштыру, югары уку йорт студентлары, аспирантлар һәм югары сыйныф мәктәп укучыларының энергоэффективлык һәм энергия саклау өлкәсендә фәнни-техник һәм инновацион ачышларын билгеләү һәм булышлык күрсәтү, фәнни-техник, икътисади һәм норматив-хокук прогресс үсешенә юнәлтелгән.
Конкурс 2014 елның 10 февраленнән алып 1 мартына кадәр югары сыйныф укучылары, югары уку йорт студентлары, аспирантлар һәм фәнни оешма вәкилләре арасында түбәндәге номинацияләр буенча үтәчәк:
- Энергоэффективлык һәм энергияне саклау буенча иң яхшы идея;
- Энергоэффективлык һәм әйләнә-тирәлекне саклау;
-Энергоэффектив шәһәр;
- Энергоэффектив йорт;
- Энергоэффектив яшәү рәвеше.
Конкурс нәтиҗәләрен чыгару һәм номинацияләр буенча җиңүчеләрне бүләкләү тантанасы 2014 елның 20 мартында узачак. Конкурс турындагы мәгълүматны Сезнең муниципаль берәмлегегезнең белем бирү учреждениеләрендә тарату сорала.
Заявка һәм материаллар 2014 елның 1 мартына кадәр түбәндәге адрес буенча кабул ителә: Казан ш., Ак.Губкин ур., 50, а/я 131, тел./факс 272-99-43, 272-19-21, ф.272-99-69, е-mail: cetrt@mail.ru.
Конкурс үткәрү турындагы тулырак мәгълүмат  cet.tatarstan.ru сайтында бар.

Матбугат хезмәте

Бүлешү:

БАРЛЫК ЯҢАЛЫКЛАРНЫ УКУ