ЯҢАЛЫКЛАР
2021 елга торак тапшыру программасы тулысынча үтәлгән. Бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
Марат Айзатуллин үз докладында хәбәр иткәнчә, 2021 елга торак тапшыру буенча программаның тулы күләмдә үтәлүен әйтте. Татарстанда файдалануга тапшырылган торакның факттагы күләме 2 млн. 682 мең 800 кв. метр тәшкил иткән, план буенча 2 млн. 670 мең кв. метр, бу узган елның шушы чорына карата 100,1% тәшкил итә.
Татарстан Республикасында социаль-мәдәни объектларны капиталь ремонтлау буенча 27 республика программасын гамәлгә ашыру ахырына якынлаша. 23 республика программасына кергән 2 212 объект тулысынча ремонтланган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.
ТР Төзелеш министрлыгы башлыгы хәбәр иткәнчә, мәгариф учреждениеләрен капиталь ремонтлау программасы буенча Казанда 104 нче номерлы балалар бакчасында эшләрне тәмамларга калган. Әлеге объектның әзерлеге 98% дип бәяләнә. Объектта гомумтөзелеш эшләре, күләгә элмәләре урнаштыру һәм кече архитектура формаларын урнаштыру ахырына якынлаша.
Тагын 18 объектның 2сен медицина стационарларын капиталь ремонтлау программасы буенча подрядчыларга тәмамларга кала. Бу – Түбән Кама шәһәренең перинаталь үзәге булган балалар шәһәр хастаханәсе (ТМЭен үтәү 90% тәшкил итә - бизәү эшләре ахырына якынлаша). Шулай ук Чистай хастаханәсе (эшләрне кабул итү һәм кисәтүләрне бетерү бара).
Балаларны савыктыру лагерьларын ремонтлау программасында каралган төзү-монтаж эшләре 98%ка башкарылган: программада каралган 6 объектның 4се әзер. Казан шәһәренең «Яшь гвардия» спорт лагерында гомумтөзелеш эшләре, вентиляция җиһазларын монтажлау тәмамланып килә. Биектау районының «Солнышко» балалар лагеренда беренче этап кысаларында йокы корпусларына, ашханәгә һәм административ биналарга инженерлык челтәрләрен сузу эшләре тәмамланып килә. Бүгенге көндә үтәлеш 96% тәшкил итә.
Спорт объектларын капиталь ремонтлау программасы буенча эшләр тәмамланган – соңгы объект (Казанда «Савиново» балалар-яшүсмерләр мәктәбе бинасы) тапшырылган. Гомумән алганда, программаның 20 объекты файдалануга тапшырылган.
Капиталь ремонт кысаларында Эчке эшләр министрлыгы карамагындагы 9 объект яңартылган. Бу атнада Чаллы һәм Казан шәһәрләрендәге соңгы ике объектны подрядчылар тапшырган.
Марат Айзатуллин хәбәр иткәнчә, күп фатирлы торак йортларны капиталь ремонтлау программасы буенча лимит тулысынча диярлек үзләштерелгән. Күп фатирлы йортларны капиталь ремонтлау әлегә 3 муниципаль берәмлектә дәвам итә.
2022 елга программаларга килгәндә, бүгенге көнгә 30 программа чараларының 11е расланган.
«Ел студенты. Архитекторлар» Бөтенрәссәй конкурсы беренче финалы Казанда старт алды. Конкурс «Ел студенты» Рәссәй милли премиясенең махсус ачык трекы булып тора. Бу – Рәссәй яшьләр берлеге һәм «Рәссәй - мөмкинлекләр иле» Президент платформасының Фән һәм технологияләр елы кысаларында тормышка ашырыла торган уртак проекты. Конкурс Яшьләр эшләре буенча Федераль агентлык ярдәме белән үткәрелә. «Ел студенты. Архитекторлар» – архитектура һәм шәһәр төзелеше өлкәсендә белем алучы студентларны ачыклау һәм аларга ярдәм итүгә юнәлдерелгән. Архитектура һәм төзелеш өлкәсендә күренекле казанышлары булган Рәссәй югары уку йортларының архитектура һәм төзелеш юнәлешләрендә белем алучылар финалга чыкты. Финалда катнашучылар «Иң яхшы архитектор-проектлаучы студент», «Иң яхшы архитектор-шәһәр төзүче», «Иң яхшы архитектор-реставратор», «Иң яхшы студент-урбанист», «Иң яхшы архитектор-дизайнер» һәм «Яшь төзүче»номинацияләрендә җиңү өчен көрәшәчәк. Финалның конкурс биремнәре төрле форматларда катнашучыларның шәхси һәм коллектив эшен күз алдында тота: казанышларны тәкъдир итү, проектлар концепцияләрен эшләү буенча гамәли биремнәр, һөнәри тест үткәрү. Моннан тыш, катнашучыларны профильле дискуссияләр, лекцияләр, экспертлардан мастер-класслар көтә. Конкурсны Яшьләр эшләре буенча Федераль агентлык, «Казан дәүләт архитектура-төзелеш университеты» югары белем бирү федераль дәүләт бюджет мәгариф учреждениесе, Татарстан Республикасы Яшьләр эшләре министрлыгы, «Рәссәй яшьләр берлеге»гомумрәссәй иҗтимагый оешмасы оештыра. Конкурс Яшьләр эшләре буенча Федераль агентлык ярдәме белән Бөтенрәссәй яшьләр проектлары конкурсы кысаларында үткәрелә.
Казанның «Салават Күпере» микрорайонында 260 урынга исәпләнгән 46-нчы номерлы «Елмай» балалар бакчасы ачылды. Яңа балалар бакчасында Казан мэры Илсур Метшин булды. Балалар бакчасының яңа ике катлы бинасы А. Авзалова ур., 9а адресы буенча урнашкан. Биредә барлыгы 20 балага исәпләнгән 14 төркем исәпләнә. Бу 12 гомумүсеш төркеме, аларның яртысы ясле, һәм ике компенсация төркеме - психик үсеш тоткарланган балалар һәм сүздә авыр тайпылышлар булган балалар өчен. Балалар бакчасында методик кабинет, логопед, педагог-психолог, татар теле кабинеты, медицина блогы, азык-төлек блогы, музыка һәм физкультура заллары бар. Соңгысында иртәнге гимнастикадан тыш, көндез балалар өчен спорт дәресләре оештырыла. Бу-республикада «Торак һәм шәһәр мохите» милли проекты кысаларында төзелгән икенче балалар бакчасы. Тулаем алганда, Татарстанда 2021 елда милли проектлар буенча 16 балалар бакчасы төзелә (13е – «Демография», 3се - «Торак һәм шәһәр мохите» Илкүләм проектлары), шуларның 15е әзер. 8 объект дәүләт төзелеш күзәтчелеге тикшерүе уза.
2021 елда «Безнең ишегалды» ишегалды территорияләрен төзекләндерү президент программасы буенча Татарстанда 8 млрд.сумга 1078 ишегалды төзекләндерелгән. Бу хакта бүген ТР Министрлар Кабинетында узган брифингта ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте. «ТР Президенты карары нигезендә, 2020 елда республикада «Безнең ишегалды» ишегалды территорияләрен төзекләндерү буенча моңарчы күрелмәгән программаны тормышка ашыру башланды. Программа кысаларында күп фатирлы йортларның ишегалларын тәртипкә китерү планлаштырыла. Республика ТИБ көче белән 9,6 меңнән артык ишегалды инвентаризацияләнде. 6923 ишегалды комплекслы ремонт таләп итүе ачыкланды. 2021 елда без 8 млрд. сумга 1078 ишегалды төзекләндердек», - диде ул. 2020 елда республика буенча 1090 ишегалды төзекләндерелгән. Программа кысаларында алты төр эш башкарыла: юллар һәм тротуарларны төзү яки ремонтлау, эскәмияләр һәм чүп савытлары урнаштыру, яктырту баганалары урнаштыру яки гамәлдәгеләрен ремонтлау, куркынычсыз балалар һәм спорт җиһазлары урнаштыру, каты көнкүреш калдыклары өчен мәйданчыклар булдыру яки яңарту, хуҗалык-көнкүреш җиһазлары урнаштыру. «2021 елда программа 300 меңнән артык кешене колачлады. Программаны тормышка ашыру чорында республикада яшәүче 2 млн. тирәсе кеше яңартылган ишегалды территорияләрен алачак. Быел программа буенча 2 млн.кв. метрдан артык асфальт җәю һәм 514 км тротуар төзекләндерелгән. 2021 елда ишегалларында 6 меңнән артык ут баганалары урнаштырылган», - диде М.Айзатуллин.
Былтыр «Безнең ишегалды» президент программасының кайнар линиясенә Татарстан халкыннан 16 меңгә якын мөрәҗәгать килгән булса, быел ул 12 меңне тәшкил итә.
Мөрәҗәгатьләр кимүе ишегаллары буенча мәгълүмати-аңлату эшләре уздыру белән бәйле, ди «Татарстан шәһәрләре үсеше институты» фонды директоры урынбасары, «Безнең ишегалды» программасы координаторы Венера Камалова ТР Министрлар Кабинетында брифингта.
2022 елда «Безнең ишегалды» Президент программасы буенча Татарстанда меңнән дә ким булмаган ишегалларын төзекләндерү планлаштырыла. Бу хакта бүген ТР Министрлар Кабинетында узган брифингта ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте. «Программа кысаларында күп фатирлы йортларның ишегалларын тәртипкә китерү планлаштырыла. 2021 елда без 8 млрд. сумга 1078 ишегалды төзекләндердек. 2022 елда бу сан ким булмаячак, бюджет узган ел дәрәҗәсендә кала», — диде ул. «ТР шәһәрләрен үстерү институты» фонды директоры урынбасары, «Безнең ишегалды» Президент программасы координаторы Венера Камалова 2022 елга ишегалды исемлеген формалаштырганда «яңа механика» кертелүен әйтте. 2020-2021 елларда ишегаллары исемлеге халыкның тәкъдимнәре һәм шикаятьләренә таянган Муниципаль берәмлекләр тәкъдимнәре буенча формалаштырылган булса, яңа елда исемлек халыкның тавыш бирү нәтиҗәләре буенча төзелгән. «2022 елга ишегалды исемлеген формалаштырганда яңа механика кертелде. Турыдан-туры тавыш бирү 200 ишегалды исемлеген формалаштырырга мөмкинлек бирде. Бу әлегә бөтен күләм түгел, төгәл санны без әйтәчәкбез. Ишегалларының адреслы исемлеге dvor.tatar сайтында урнаштырылган», - диде ул. Камалова билгеләп үткәнчә, район администрацияләре 2022 елга калган ишегаллары исемлеген 2020-2021 еллар тәҗрибәсе буенча формалаштырганнар. Хәзер бу исемлек раслауда.
Татарстан Республикасында социаль-мәдәни өлкә объектларын төзү буенча 17 республика программасын үтәү күләме 96%ка җиткән. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.
Марат Айзатуллин хәбәр иткәнчә, торак төзелеше 2020 ел күрсәткечләреннән 4%ка алда бара. 2 млн. 637 мең кв. метр торак тапшырылган. 2021 ел планы 99% ка диярлек үтәлгән.
Шәхси торак төзелеше буенча план күрсәткеченнән 51%ка артык: 12 мең 581 йорт төзелгән, план нигезендә 8330 йорт төзү каралган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Коммерциячел төзелештә планның 63%ы үтәлгән – 791 мең кв. м мәйданлы 102 күп фатирлы торак йорт әзер.
Яшел Үзәндә Гоголь урамында сәламәтлек саклауның беренчел звеносын модернизацияләүнең региональ программасы кысаларында яңа балалар поликлиникасы төзелеше тәмамланды. Медицина учреждениесе шәһәрнең иске өлешендә яшәүче 13 мең балага һәм яшүсмергә хезмәт күрсәтәчәк. Объектта барлык төзелеш һәм бизәү эшләре тулысынча тәмамланган, мебель һәм җиһазлар кайтартылган. Балалар поликлиникасы өч каттан һәм 5 мең квадрат метрдан тора - ул хастаханә шәһәрчегендәге Иске поликлиникадан биш тапкыр артып китә.