ЯҢАЛЫКЛАР

Татарстан Республикасы ел саен торак тапшыру күләмнәре буенча алдынгы позицияләрне били һәм Рәссәй Федерациясе лидер-субъектлары исемлегенә керә. «Татар-информ» мәгълүмат агентлыгында узган матбугат конференциясендә ТР Төзелеш, архитектура һәм торак-коммуналь хуҗалык министры урынбасары Илшат Гыймаев 2021 елда 2 682,8 мең кв.м. торак төзелгән, бу еллык планның 100,5% тәшкил итә, дип хәбәр итте. «Шәхси төзелеш үсеше перспективалары зур: агымдагы елда 1,7 мең квадрат метрдан артык торак файдалануга тапшырылган. Киләсе елда да азрак көтелми, үсеш бик актив бара», - диде министр урынбасары. 2021 елда милли проектларны, дәүләт, төбәк, республика программаларын, шулай ук программадан тыш чараларны гамәлгә ашыру кысаларында Татарстанда гомуми финанслау күләме 24 млрд.сумнан артык булган 151 социаль-мәдәни объект төзелде. Шул исәптән мәгариф өлкәсендә гомуми куәте 3 220 урынга 17 балалар бакчасы, 7 359 укучыга исәпләнгән 7 гомуми белем бирү оешмасы, сәламәтлек саклау өлкәсендә 65 объект, спортны үстерү өлкәсендә 26 объект һәм мәдәният өлкәсендә 6 объект төзелде. Өлешләп төзүнең яңа проблемалы объектлары барлыкка килүне булдырмау максатыннан, РФ Хөкүмәте һәм ТР Хөкүмәте тарафыннан, өлешләп төзүдә катнашучы гражданнарның хокукларын яклауны тәэмин итүче нәтиҗәле механизмнарны эшләү даими рәвештә алып барыла. Татарстан Республикасында алданган өлешчеләр проблемаларын хәл итү буенча да системалы эш алып барыла, шуларның берсе - 2019 елның 1 июленнән гамәлдә булган төзелешне Проектлы финанслау. Татарстан Республикасында алданган өлешчеләр проблемаларын хәл итү буенча да системалы эш алып барыла. 2021 ел нәтиҗәләре буенча, 2 356 алданган өлешче өчен гомуми мәйданы 187,3 мең кв.метр булган проблемалы 9 йорт төзелеше тәмамланган.

Бүген Татарстан Республикасы Президенты Рөстәм Миңнеханов республиканың муниципаль берәмлекләре вәкилләренә коммуналь техника ачкычларын тапшырды. Техника урам-юл челтәрен карап тоту өчен билгеләнгән.

Чара «Казан» халыкара ат спорты комплексы каршындагы мәйданда узды, анда «Татарстан Республикасы Муниципаль берәмлекләр советы» ассоциациясе рәисе Әгъзам Гобәйдуллин, Татарстан Республикасы төзелеш, архитектура һәм ТКХ министры Марат Айзатуллин, муниципаль берәмлекләр башлыклары, юнәлеш министрлыклары вәкилләре катнашты.

69 берәмлек коммуналь техника ачкычлары 41 муниципаль берәмлек башлыкларына тапшырылды.

Бу – МТЗ 82.1, 3 AMT 1000 төягече, 33 «Амкодор» фронталь төягече, 17 ГС 14.02 автогрейдеры.

Барлык машиналарда да ГЛОНАСС системасы урнаштырылган.

Татарстан Республикасы Президенты Рөстәм Миңнеханов Яңа ел алдыннан һәм муниципаль берәмлекләр съезды алдыннан файдалы һәм яхшы эшләр кылу традициясе барлыгын искә төшерде. «69 берәмлек техника районнарга җибәреләчәк. Безнең муниципалитетлар өчен яңа ел бәйрәме – ул һәрвакыт икеләтә йөкләнеш, чөнки юлларны чистартып торырга, йортларны җылылык, газ белән өзлексез тәэмин итәргә кирәк. Яңа коммуналь техника Яңа елда ук үз бурычларын үтәячәк», - диде Татарстан Президенты.

Рөстәм Миңнеханов искәрткәнчә, моннан тыш, тагын 86 берәмлек техника районнар өчен билгеләнгән, һәм алар да якын арада киләчәк.

Рөстәм Миңнеханов барысын да якынлашып килүче Яңа ел белән котлады. «Без елны яхшы күрсәткечләр – икътисадый һәм инвестицион күрсәткечләр белән тәмамлыйбыз. Киләсе ел бурычлары арасында – барлык илкүләм проектларда катнашу, инде башланган масштаблы проектларны гамәлгә ашыру», - диде ул.

«Бу елны лаеклы төгәлләүдә муниципаль берәмлекләр башлыкларының, авыл җирлекләре җитәкчеләренең өлеше зур, - диде Рөстәм Миңнеханов. - Иң мөһиме, пандемия шартларында без республиканың нормаль тормышын тәэмин итә алдык».

Төзелеш, архитектура һәм торак-коммуналь хуҗалык министрлыгында төзелеш, архитектура һәм торак-коммуналь хуҗалык өлкәсендә темаларны иң яхшы яктырту буенча ел саен үткәрелә торган массакүләм мәгълүмат чаралары конкурсында җиңүчеләрне бүләкләү тантанасы узды. Җиңүчеләргә бүләкләрне ТР Төзелеш, архитектура һәм торак-коммуналь хуҗалык министры Марат Айзатуллин тапшырды. Журналистлар белән аралашу барышында Марат Айзатуллин хәбәр иткәнчә, Татарстанның Төзелеш, архитектура һәм ТКХ министрлыгы агымдагы елда милли проектлар кысаларында 103 объектта эшләр алып барган. Башкарылган эшләрнең гомуми суммасы 13 млрд. сум тәшкил итте. Министрлык барлыгы алты милли проектта катнаша. «Торак һәм шәһәр мохите» милли проекты кысаларында 49 иҗтимагый киңлек төзекләндерелде. «Экология» илкүләм проекты буенча Казанда чистарту корылмаларын реконструкцияләүнең беренче этабы тәмамланды. Яшел Үзән районының Васильево бистәсендә «Чиста су» программасы буенча су әзерләү станциясе төзелеше тәмамланды. Файдалануга яңа елдан ук керешергә планлаштырыла. «Мәдәният» илкүләм проекты буенча 3 авыл мәдәният йорты төзелде, «Сәламәтлек саклау» программасы буенча – 2 млрд.сумнан артык бәягә ТР Сәламәтлек саклау министрлыгының балалар онкологиясе, гематология һәм хирургия үзәге төзелде. «Торак һәм шәһәр мохите» һәм «Демография» илкүләм проектлары кысаларында 16 балалар бакчасы төзелде. Кукмара шәһәрендә универсаль спорт залы һәм Казанда физкультура-сәламәтләндерү комплексы төзелеше тәмамланып килә. Моннан тыш, министрлык 44 республика программасында катнаша, шуларның 17 – се – төзелеш һәм 27-се-капиталь ремонт буенча. «Без торак тапшыру буенча программаны үтәдек. Быел безнең план 2,67 млн кв. метр булган, чынлыкта 2,682 млн кв.метр тапшырылган. Төзелеш бер генә көнгә дә туктап калмады», - дип билгеләп үтте Марат Айзатуллин.

Биектау тимер юл станциясе бистәсендә поликлиника ачылды. Тантаналы чарада Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы сәламәтлек саклау министры Марат Садыйков, Татарстан Республикасы төзелеш, архитектура һәм торак-коммуналь хуҗалык министры Марат Айзатуллин, Биектау муниципаль районы башкарма комитеты җитәкчесе Равил Хисаметдинов, «Биектау үзәк район хастаханәсе» ДАССУ баш табибы Рамил Зыятдинов катнашты.

Чирмешән районының Кармыш авылында яңа модульле фельдшер-акушерлык пункты ачылды. Яңа ФАП заманча медицина җиһазлары, кайнар һәм салкын су, канализация, интернет һәм видеокүзәтү системалары белән тәэмин ителгән.

Бүген Яр Чаллыда социаль ипотека программасы буенча төзелгән 63/20 йортка күченү тантанасы узды. Яңа фатирларда бюджет оешмалары һәм предприятиеләр хезмәткәрләре, биш һәм аннан күбрәк баласы булган күп балалы гаиләләр, табиблар, ятим балалар яшәячәк. Яңа төзелеш ун каттан, ун подъезддан һәм 490 фатирдан тора, шуларның 191е-бер бүлмәле, 190ы-ике бүлмәле, 28е-өч бүлмәле. Барлык тораклар да чиста бизәкләү эшләренә тапшырылган, сантехника, янгын сүндерү датчиклары, су, газ, электр энергиясен исәпкә алу счетчигы белән җиһазландырылган.

Бүген Татарстан Республикасы Президенты Рөстәм Миңнеханов һәм Россия Федерациясе Спорт министры Олег Матыцин видеоэлемтә аша республиканың биш районында ябык футбол манежларын ачуда катнаштылар.

Спорт объектлары Әлмәт, Бөгелмә, Зәй, Чистай һәм Әгерҗедә универсаль спорт мәйданчыклары һәм аз бюджетлы спорт корылмаларын төзү буенча республика программасы, башка чыганаклар кысаларында төзелгән.

2021 елга торак тапшыру программасы тулысынча үтәлгән. Бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Марат Айзатуллин үз докладында хәбәр иткәнчә, 2021 елга торак тапшыру буенча программаның тулы күләмдә үтәлүен әйтте. Татарстанда файдалануга тапшырылган торакның факттагы күләме 2 млн. 682 мең 800 кв. метр тәшкил иткән, план буенча 2 млн. 670 мең кв. метр, бу узган елның шушы чорына карата 100,1% тәшкил итә.

Татарстан Республикасында социаль-мәдәни объектларны капиталь ремонтлау буенча 27 республика программасын гамәлгә ашыру ахырына якынлаша. 23 республика программасына кергән 2 212 объект тулысынча ремонтланган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

ТР Төзелеш министрлыгы башлыгы хәбәр иткәнчә, мәгариф учреждениеләрен капиталь ремонтлау программасы буенча Казанда 104 нче номерлы балалар бакчасында эшләрне тәмамларга калган. Әлеге объектның әзерлеге 98% дип бәяләнә. Объектта гомумтөзелеш эшләре, күләгә элмәләре урнаштыру һәм кече архитектура формаларын урнаштыру ахырына якынлаша.

Тагын 18 объектның 2сен медицина стационарларын капиталь ремонтлау программасы буенча подрядчыларга тәмамларга кала. Бу – Түбән Кама шәһәренең перинаталь үзәге булган балалар шәһәр хастаханәсе (ТМЭен үтәү 90% тәшкил итә - бизәү эшләре ахырына якынлаша). Шулай ук Чистай хастаханәсе (эшләрне кабул итү һәм кисәтүләрне бетерү бара).

Балаларны савыктыру лагерьларын ремонтлау программасында каралган төзү-монтаж эшләре 98%ка башкарылган: программада каралган 6 объектның 4се әзер. Казан шәһәренең «Яшь гвардия» спорт лагерында гомумтөзелеш эшләре, вентиляция җиһазларын монтажлау тәмамланып килә. Биектау районының «Солнышко» балалар лагеренда беренче этап кысаларында йокы корпусларына, ашханәгә һәм административ биналарга инженерлык челтәрләрен сузу эшләре тәмамланып килә. Бүгенге көндә үтәлеш 96% тәшкил итә.

Спорт объектларын капиталь ремонтлау программасы буенча эшләр тәмамланган – соңгы объект (Казанда «Савиново» балалар-яшүсмерләр мәктәбе бинасы) тапшырылган. Гомумән алганда, программаның 20 объекты файдалануга тапшырылган.

Капиталь ремонт кысаларында Эчке эшләр министрлыгы карамагындагы 9 объект яңартылган. Бу атнада Чаллы һәм Казан шәһәрләрендәге соңгы ике объектны подрядчылар тапшырган.

Марат Айзатуллин хәбәр иткәнчә, күп фатирлы торак йортларны капиталь ремонтлау программасы буенча лимит тулысынча диярлек үзләштерелгән. Күп фатирлы йортларны капиталь ремонтлау әлегә 3 муниципаль берәмлектә дәвам итә.

2022 елга программаларга килгәндә, бүгенге көнгә 30 программа чараларының 11е расланган.

«Ел студенты. Архитекторлар» Бөтенрәссәй конкурсы беренче финалы Казанда старт алды. Конкурс «Ел студенты» Рәссәй милли премиясенең махсус ачык трекы булып тора. Бу – Рәссәй яшьләр берлеге һәм «Рәссәй - мөмкинлекләр иле» Президент платформасының Фән һәм технологияләр елы кысаларында тормышка ашырыла торган уртак проекты. Конкурс Яшьләр эшләре буенча Федераль агентлык ярдәме белән үткәрелә. «Ел студенты. Архитекторлар» – архитектура һәм шәһәр төзелеше өлкәсендә белем алучы студентларны ачыклау һәм аларга ярдәм итүгә юнәлдерелгән. Архитектура һәм төзелеш өлкәсендә күренекле казанышлары булган Рәссәй югары уку йортларының архитектура һәм төзелеш юнәлешләрендә белем алучылар финалга чыкты. Финалда катнашучылар «Иң яхшы архитектор-проектлаучы студент», «Иң яхшы архитектор-шәһәр төзүче», «Иң яхшы архитектор-реставратор», «Иң яхшы студент-урбанист», «Иң яхшы архитектор-дизайнер» һәм «Яшь төзүче»номинацияләрендә җиңү өчен көрәшәчәк. Финалның конкурс биремнәре төрле форматларда катнашучыларның шәхси һәм коллектив эшен күз алдында тота: казанышларны тәкъдир итү, проектлар концепцияләрен эшләү буенча гамәли биремнәр, һөнәри тест үткәрү. Моннан тыш, катнашучыларны профильле дискуссияләр, лекцияләр, экспертлардан мастер-класслар көтә. Конкурсны Яшьләр эшләре буенча Федераль агентлык, «Казан дәүләт архитектура-төзелеш университеты» югары белем бирү федераль дәүләт бюджет мәгариф учреждениесе, Татарстан Республикасы Яшьләр эшләре министрлыгы, «Рәссәй яшьләр берлеге»гомумрәссәй иҗтимагый оешмасы оештыра. Конкурс Яшьләр эшләре буенча Федераль агентлык ярдәме белән Бөтенрәссәй яшьләр проектлары конкурсы кысаларында үткәрелә.