ЯҢАЛЫКЛАР

Кичә Татарстанның Биектау районында Каенлык, Красносельский һәм Әлдермеш авыл җирлекләре гражданнарының җыеннары булып узды. Авыл халкы белән очрашуларны район башлыгы Равил Хисаметдинов үткәрде. Чарада ТР Төзелеш, архитектура һәм торак-коммуналь хуҗалык министры Марат Айзатуллин катнашты.

Марат Айзатуллин социаль-мәдәни өлкә объектларын төзү һәм капиталь ремонтлау буенча республика программалары, шулай ук ТКХны модернизацияләү программалары турында сөйләде. Ул искәрткәнчә, программалар Татарстан Республикасы Хөкүмәте боерыклары белән раслана. Бүгенге көндә 4 программа буенча проектлар Татарстан Республикасы Министрлар Кабинетында, 2 программа буенча ТР Министрлар Кабинеты күрсәтмәләренең проектлары ведомствоара килешүдә, 3 программа эштә, 22 программа расланган.

Татарстан Республикасында, Татарстан Республикасы Төзелеш, архитектура һәм ТКХ министрлыгы һәм Татарстан Республикасы Дәүләт торак фонды белән берлектә, 2022 елга торак төзелеше программасы формалаштырылган. Программа 18 гыйнварда расланган, аның күләме – 2 млн 755 мең кв. метр. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

ПЖКХ ИК - ТР Көнбатыш зонасында каты коммуналь калдыклар белән эш итү буенча региональ оператор - 2021 елда, подрядчы оешмалар белән берлектә, 21 муниципаль районда каты көнкүреш калдыклары өчен 4 меңнән артык контейнер яңартты. 2021 елда паркны шактый яңарту Лаеш районы территориясендә башкарылган, анда яңа 239 евроконтейнер барлыкка килгән. Питрәч районының Көек авылында да контейнерлар тулысынча яңартылды, иске тимер баклар урынына 1,1 куб.метрлы 40 евроконтейнер барлыкка килде.

Татарстан Республикасы Президенты Рөстәм Миңнеханов Казанда "7 нче шәһәр клиник хастаханәсе" ДАСУ базасында дәвалау-реабилитация үзәген ачуда катнашты.

Учреждениедә үзәк нерв системасы зарарлану, соматик авырулар, периферик нерв системасы, сөяк-мускул системасы авырулары, шулай ук Covid-19 кичергән авыруларны тернәкләндерү курслары үткәрү планлаштырыла.

Рәссәй Төзелеш министрлыгы «ТНhК II-35-76 Котельные җайланмалары» 89.13330.2016 кагыйдәләр җыелмасына № 1 үзгәрешен раслады. Кагыйдәләр җыелмасы төрле билгеләнештәге биналарны һәм корылмаларны җылылык белән тәэмин итү максатлары һәм җитештерү ихтыяҗлары өчен пар һәм кайнар су рәвешендә җылылык энергиясе генерацияләүче котельныйларны проектлау, төзү, реконструкцияләү, капиталь ремонтлау, киңәйтү һәм техник яктан яңадан коралландырганда кулланыла. «Кагыйдәләр җыелмасындагы төп үзгәрешләр ягулык белән тәэмин итү режимнарына һәм үзәкләштерелгән җылылык белән тәэмин итү мөмкин булмаган районнарда блок-модульле котельныйларны куллануга кагыла.

Бүген Пермь крае делегациясе вәкилләре танышу визиты белән ТР Төзелеш, архитектура һәм ТКХ министрлыгында булдылар. Делегация составында-торак-коммуналь хуҗалык һәм төзекләндерү министры Артем Балахнин, төзелеш министры Андрей Колмогоров һәм Пермь краеның үсеш корпорациясе финанс директоры Юрий Мазунин. ТР Төзелеш, архитектура һәм торак - коммуналь хуҗалык министрының беренче урынбасары Алексей Фролов әлеге очрашуны үткәрде. Ул кунакларга министрлык эшчәнлеге, Татарстанда гамәлгә ашырыла торган милли проектлар, төзелеш, капиталь ремонт һәм реконструкция буенча дәүләт һәм республика программалары турында сөйләде.

Алексей Фролов хәбәр иткәнчә, алты илкүләм проектка керүче 104 объект билгеләнгән. Барлык кирәкле килешүләр дә имзаланды. «Торак һәм шәһәр мохите» илкүләм проекты буенча 37 объектны гамәлгә ашыру планлаштырыла.

«Экология» илкүләм проекты кысаларында 2021 елда башланган объектлар төзелеше дәвам итә. «Сәламәтлек саклау» юнәлеше буенча 49 объектны төзү, реконструкцияләү һәм капиталь ремонтлау планлаштырылган. «Мәдәният» илкүләм проекты чаралары быел 11 объект төзүне, реконструкцияләүне һәм капиталь ремонтлауны үз эченә ала.

Татарстан Республикасы төзелеш, архитектура һәм торак-коммуналь хуҗалык министры урынбасары Алексей Фролов Татарстан Республикасы Хөкүмәте Йортында узган киңәшмәдә социаль-мәдәни өлкә объектларын төзү һәм капиталь ремонтлау, илкүләм проектларны һәм дәүләт программаларын гамәлгә ашыру буенча республика программалары турында хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.