Татарстан Республикасы Төзелеш, архитектура һәм торак-коммуналь хуҗалык министрлыгы

2012 елның 6 сентябре, пәнҗешәмбе

Бүген Татарстан Президенты Рөстәм Миңнеханов “Казан ярминкәсе” территориясендә үткәрелгән “Нефть, газ. Нефтехимия” дип аталган 19 нчы халыкара күргәзмәдә булды һәм күргәзмә кысаларында үткәрелгән форумнарда катнашты.

Республика башлыгы нефть-газ тармагы өчен инновацион эшкәртмәләр тәкъдим иткән үз илебез һәм чит ил компанияләренең экспозицияләре белән танышты. Татарстанның “Татнефть”, “ТАИФ” төркеме һәм башка эре компанияләре җитәкчеләре ТР Президентына предприятиеләр үстерү буенча планнар турында сөйләделәр.

Әзербайҗан беренче тапкыр SOCAR дәүләт нефть компаниясе белән тәкъдим ителде. Әзербайҗанның сәнәгать һәм энергетика министры урынбасары Гюльмаммед Джафаров Рөстәм Миңнехановка нефть эшкәртүне арттыру белән бергә, илдә, якын киләчәк перспективада, елына 50 млн. тонна табыш алып, стабильләшү нияте турында хәбәр итте. Татарстан партнерларына хөрмәтен белдереп, киләчәктә дә бергә эшләүгә теләк белдерде.

Казан нефть-газ бердәм экспозицияләр күргәзмәсендә Башкортстанның әйдәп баручы предприятиеләре икенче тапкыр тәкъдим ителде. БР Сәүдә-сәнәгать палатасы Президенты Юрий Пустовгаров ТР Президентына Казанның “ Нефть, газ. Нефтехимия”се башкорт предприятиеләре өчен төп күчмә күргәзмә булачагын әйтте. Бүген күргәзмәдә Башкортстанның 68 компаниясе, шул исәптән инжиниринг һәм нефть-газ тармагы өчен җиһазлар җитештерү белән шөгыльләнүче компанияләр тәкъдим ителде.

Рөстәм Миңнеханов “ Яхшы ябышучан нефть һәм табигый битумнар: алар булган урыннарны эзләү һәм эшкәртүнең прблемалары һәм эффективлыгын күтәрү” дип аталган халыкара фәнни-гамәли конференция эшендә катнашты. Конференция икенче көн эшли. Кичә “Татнефть” ААҖнең ябышучан нефть ( табигый битум) эшкәртү методларының үсеше турындагы доклады тәкъдим ителде.

“Тема бик актуаль, бүген яңа технологияләр һәм чималның яңа төрләре турында күп сөйләнелә, һәм без табигый битум ресурсларының күплеге буенча конкурентлы өстенлекне файдаланырга тиеш. Безнең фәнни берләшмә – “Татнефть” тарафыннан бу юнәлештә күп эш эшләнгән”, - диде Рөстәм Миңнеханов. Аның сүзләренчә, шельфларга киткәнче, чималның бу төрен эшкәртү икътисади яктан максатчанрак.

Билгеле булганча, Россиядә табигый битумның гомумиләштерелгән ресурслары берничә дистә миллиард тонна ( Татарстанда- 7млрд.ка кадәр) дип исәпләнел һәм алар бик аз өйрәнелгән булулары белән характерланалар. Мондый чималны җир астыннан чыгару катлаулы, димәк, кыйммәт булу сәбәпле, Россиядә бу тема белән сәнәгать масштабында беркем дә шөгыльләнмәгән. Углеводородлы чималның мондый альтернатив төрен эшкәртү, илнең нефть тармагы өчен яңа стратегик юнәлеш булып торырга мөмкин, дип уйлыйлар Татарстанда. “Татнефть” Ашальчиндагы табигый битум чыга торган урында 2006 елдан бирле тәжрибә-сәнәгать эшләре алып бара.

Россия нефтегаз сәнәгатьчеләре Союзы президенты Генадий Шмаль нефть тармагының инновцион үсешендә дәүләтнең роле турындагы доклад белән чыгыш ясады. Аның сүзләре буенча, безнең гасырның ахырына кадәр нефть, газ һәм күмер энергетикада бик мөһим рольне үтәячәк. Россиядә нефтҗ һәм газның роле бик зур, шул ук вакытта Россия бу өлкәне инвестицияләү, нефтьне эшкәртү саны һәм сыйфаты буенча АКШларыннан йөз тапкырга калыша. Безнең илдәге мондый күренеш аз күләмдә бораулау белән характерлана, яңа эре җир астыннан чыгару урыннары ачылмыйлар, бу өлкә фәне өчен чимал, әйдәп баручы илләр белән чагыштырганда, күпкә азрак. Иң төп проблема буларак, докладчы, гаделсез салым системасын ( Россия нефтенең 65-67 процент кереме салымнарга китә) атады. Бу күренеш нефтьчеләрне җир асты казылмасының үсешен инвестицияләүгә, яңа чыгару урыннарын эшкәртүгә стимуллаштырмый.

Татарстанга килгәндә, Генадий Шмаль әйтүенчә, республика җитәкчелеге нефть тармагына һәрвакыт игътибар бирә, монда вак нефть компанияләре барысыннан да әйбәтрәк эшли, яңа технологияләр яхшырак кертелә.

Шулай ук Россия фәннәр академиясенең нефть һәм газ проблемалары Институтыннан, РАНның Себер бүлегеннән локладлар сөйләнелде.

Рөстәм Миңнехановның “Казан ярминкәсе”ндәге программасының чираттагы пункты булып, республика җитештергән нефть химиясе продукциясен юл һәм капиталь төзелештә файдалануны киңәйтү буенча түгәрәк өстәлдә катнашуы торды. Форумда туры килгән продукцияне җитештерүгә, эшкәртүгә катнашы булган оешма һәм предприятиеләрдән вәкилләр һәм аның потенциал кулланучылары катнашты.

“ Республика зур потенциалга ия, монда полимерлар, каучук, юл материалларын җитештерүче иң эре предприятиеләр бар, һәм без бу өлкәдә лидер булырга тиеш, - дип, Рөстәм Миңнеханов түгәрәк өстәлдә катнашучыларга мөрәҗәгать итте. – Без юл, төзелеш өлкәсе, автокомпонентлар барлыкка китерү өчен бөтен компонентлы базаны кулланырга тиешбез”. Аның сүзләренә караганда, төп бурычлар булып, аеруча безнең катлаулы климат шартларында, юлның үз бәясен киметү һәм сыйфатын күтәрү тора. Бары тик заманча материалларны куллану гына юл катламының хезмәт күрсәтү срогын озын итә ала. “ Безнең бурычыбыз –бөтен якларны якынайту, аларның эшләрен җайга салуга ирешү, бу өлкәдә дөньяви тәҗрибәне күзәтү, ә профильле белем бирү учреждениеләрендә укыту баскычында яңа материаллар турында күзаллау булдыру”,- дип ассызыклады республика башлыгы.

“Татнефтьхиминвест-холдинг” ААҖ генераль директоры Рафинат Яруллин, республика нефть-химиясенең зур мөмкинлекләре турында хәбәр иткәннән соң, аның продукциясен куллану потенциалы турында бик белеп бетермәүләрен билгеләп үтте.

ТР Төзелеш, архитектура һәм торак-коммуналь хуҗалык Министры Ирек Фәйзуллин уйлавынча, республикада цемент, металл прокатлау, тәрәзә пыяласы җитештермәү билгеле бер күләмдә полимерлар, яңа композицияләр куллану белән компенсацияләнә. Төзелеш Министры файдаланылган полимерларны кабаттан эшкәртүне актуль дип атады.

ТР транспорт һәм юл хуҗалыгы Министры Ленар Сафин, аерым алганда, юл битумының сыйфаты тиешле дәрәҗәдә булмау проблемасы һәм әлеге проблеманы чишү юлларына тукталды. Ул “Татнефть” эшкәрткәнтабигый битумны куллану теләген белдерде. Хәзерге вакытта сүз әлеге чималны Кичуй нефть эшкәртү җайланмасында эксперименталь рәвештә эшкәртү турында бара. Юл темасын “Татнефтедор” вәкиле чиште, аның фикеренчә, юл битумнарын полимер өстәмәләр белән модификацияләү кирәк.

Рөстәм Миңнеханов, очрашуга нәтиҗә ясап, республикада вак таш юклыгы проблемасын чишү өчен дә яңа юл битумын эшкәртү кирәклеге турында әйтте. “ 3-5 елдан соң юлларның эштән чыга – бу инде эш түгел, - диде ул. Монда фән бик җитти эшләргә тиеш. Мондагы проблемаларны чишү өчен эш төркемнәре барлыкка китерергә, дөньяви тәҗрибәне файдаланырга кирәк. Төзелешкә килгәндә исә, полимер материалларны проектлаштыру баскычында салырга кирәк. Шул ук вакытта, полимерлар буена җитди тикшеренү базасы кирәк, алар кулланучы өчен бөтенләй яңа үзенчәлеккә ия булырга мөмкин, диде ТР Президенты.

“Татар-информ” ИА. М.Козловский фотосы, ТР Президенты Пресс-хезмәте

БАРЛЫК ЯҢАЛЫКЛАРНЫ УКУ

Рөстәм Миңнеханов – Татарстан полимерларны куллану буенча лидер булырга тиеш