Рәссәй Төзелеш министрлыгы һәм ГХФ үз-үзеңне изоляцияләү шартларында халык өчен белешмәлек әзерләде
Белешмәлек тәүлек буе үз-үзеңне изоляцияләгән күп фатирлы йортларда яшәүче миллионлаган кеше очраша торган иң мөһим мәсьәләләрне үз эченә ала. Мәсәлән, ТКХ хезмәтләре өчен дистанцион түләү алымнары, ресурсларны экономияләү буенча киңәшләр, шулай ук идарәче оешманың гомуми файдалану урыннарын дезинфекцияләргә тиешлеге турында сөйли. Рәссәй Төзелеш министрлыгы башлыгы урынбасары Максим Егоров сүзләренә караганда, хәзерге вакытта торак-коммуналь хуҗалыгының барлык тармагы көчәйтелгән режимда эшли, авария хәлләрендәге хәлләргә юл куймас өчен өстәмә куркынычсызлык чаралары күрелә. «Үз-үзеңне изоляцияләү шартларында халыкны барлык кирәкле торак - коммуналь хезмәтләр белән тәэмин итү аеруча мөһим», - дип аңлатты министр урынбасары. Рәссәй Төзелеш министрлыгы Торак-коммуналь хезмәтләр белән тәэмин итүчеләр һәм күпфатирлы йорт белән идарә итүче оешма турында барлык мәгълүмат Торак-коммуналь хуҗалыгының дәүләт мәгълүмат системасында (ТКХ ДМС) урнаштырылуын искә төшерә.