Илдар Халиков: Бүген Татарстан Республикасында капиталь ремонт программасы буенча планлаштырылган барлык мәктәпләр дә ачылды

Татарстанда капиталь ремонт программасы буенча планлаштырылган барлык мәктәпләр дә ачыла. Әлеге хәбәрне кичә журналистлар белән очрашуда , ТР Премьер-министры Илдар Халиков хәбәр итте. Мәктәпләрне капиталь программасы республикада икенче ел тормышка аша, узган ел ремонтланган 173 уку йортына, агымдагы елда тагын 160 мәктәп кушылды. “ Барысыннан да ешрак муниципаль оешма башлыклары һәм мәктәп директорлары күтәргән проблема иде бу. Шактый кыйммәткә төшсә дә, без бу программаны дәвам итәчәкбез”, - дип ассызыклады Хөкүмәт башлыгы. Шуны да әйтеп үтәргә кирәк, Илдар Халиков мәгълүматларына караганда, агымдагы елда капиталь ремонт өчен 2,5 млрд. сум бүленеп бирелгән. Шулай ук, Илдар Халиков билгеләп киткәнчә, агымдагы елда мәктәпләрне ремонтлауда, әлеге уку йортларын тәмамлаучылар зур ярдәм иткән: мондый ярдәм республиканың 200 мәктәбенә күрсәтелгән. “ТР Президенты Рөстәм Миңнехановның сүзләре бушка калмады, киләсе елда да чыгарылыш укучылары үз мәктәпләренә ярдәм итәрләр, дип ышанам”, - дип ассызыклады ул. Татарстан балаларын уку процессы белән тәэмин итәргә ярдәм итүче тагын бер юнәлеш – мәктәп автобусларының эше. Бу елны укучыларны мәктәпкә кадәр 600 гә якын автобус йөртәчәк. Махсус ГЛОНАСС системасы кертелү моңа этәргеч бирә, узган елны мәктәп укучылары белән бәйле бер генә дә ЮТХ булмаган. “Бу елны республика мәктәпләре өчен ГЛОНАСС системалы тагын 103 автобус сатып алыначак”, - дип билгеләп үтте Татарстан Премьер-министры.