ТР Төзелеш министрлыгында мәгариф учреждениеләре төзелеше барышы турында фикер алыштылар
Бүген ТР Төзелеш, архитектура һәм торак-коммуналь хуҗалык министрлыгында агымдагы елда Татарстан Республикасында гомуми белем бирү һәм мәктәпкәчә учреждениеләр төзү мәсьәләләре буенча фикер алыштылар.
Заказчы хезмәте, дәүләт экспертизасы идарәсе, проект, подряд һәм ресурслар белән тәэмин итүче оешмалар вәкилләре белән киңәшмәне ТР Төзелеш, архитектура һәм торак-коммуналь хуҗалык министры Марат Айзатуллин үткәрде.
2024 елда Татарстанда 11 мәктәп һәм 10 балалар бакчасы төзелә. Мәгариф объектларында төзелеш-монтаж эшләренең гомуми башкарылуы 50 проценттан артык, мәктәпкәчә учреждениеләр объектларында – 38 процент.
Киңәшмәдә катнашучылар һәр объектның төзелеш барышы турында мәгълүмат бирде, төзелештә төп проблемалар, шулай ук аларны хәл итү һәм бетерү ысуллары турында сөйләделәр.