Казанда Зур Акчарлак күле территориясенең беренче өлешен төзекләндерү эшләре төгәлләнде

Казанда Зур Акчарлак күле территориясенең беренче өлешен төзекләндерү төгәлләнде. Җәмәгать урыны «Торак һәм шәһәр мохите» илкүләм проектының «Уңайлы шәһәр мохитен формалаштыру» федераль проектын гамәлгә ашыру нәтиҗәсендә яңарды.

Биредә төрле кече архитектура формалары: эскәмияләр, урналар, навигация элементлары монтажланган. 22 видеокүзәтү камерасы һәм тавыш белән хәбәр итү җайланмалары урнаштырылган. Моннан тыш, тышкы су белән тәэмин итү, су агызу, электр белән тәэмин итү буенча эшләр башкарылды.

Яңартылган территориядә 6 мең кв. метрдан артык мәйданда газон җәелдерелде һәм 350 агач һәм 1 меңгә якын куак утыртылды.

Татарстан Республикасында 2024 елда «Уңайлы шәһәр мохитен формалаштыру» федераль проектын «Торак һәм шәһәр мохите» илкүләм проектын гамәлгә ашыру кысаларында барлыгы 2,35 млрд сумлык 64 җәмәгать урынын төзекләндерү эшләре планлаштырылган. Шул исәптән Баулы һәм Кукмара шәһәрләрендәге 2 объект кече шәһәрләрдә һәм тарихи җирлекләрдә уңайлы шәһәр мохите булдыруның иң яхшы проектлары Бөтенроссия конкурсы йомгаклары буенча 165,34 млн сумга төзекләндерелә.

Бүгенге көнгә эшләрнең гомуми үтәлеше 98% тәшкил итә – 56 объектта төзекләндерү эшләре тәмамланган.