Татарстанның ТБИ һәм товар бетоны заводлары 2024 елда продукция җитештерү планын уңышлы үтәде
Бүген Татарстан Республикасы Төзелеш, архитектура һәм ТКХ министрлыгында ТБИ һәм товар бетоны заводлары җитәкчеләре белән киңәшмә узды. Ел саен үткәрелә торган традицион очрашуны министр урынбасары Илшат Гыймаев уздырды.
Министр урынбасары 2024 елда ТБИ һәм товар бетоны җитештерү тармагында ирешелгән нәтиҗәләр турында хәбәр итте. Республика заводлары алдагы 2023 ел белән чагыштырганда 3% ка күбрәк продукция җитештергән һәм озаткан.
Киңәшмәдә билгеләп үтелгәнчә, биржа сәүдәсе төзелеш тармагын үстерү һәм продукцияне сатуның яңа юлларын эзләү инструментларының берсе булып тора. Киңәшмәдә катнашкан ЦТС Биржасы вәкилләре биржа сатулары механизмын куллануның перспектив мөмкинлекләрен әйттеләр, үзләренең программа белән тәэмин ителешен һәм киләчәктә бәя куюның Федераль дәүләт мәгълүмат системасы белән интеграцияләү мөмкинлеген күрсәттеләр.
Безне шулай ук социаль челтәрләрдә укыгыз https://t.me/Minstroy_RT һәм https://vk.com/msagkh