Илкүләм проект буенча Яр Чаллыда канализация басым коллекторы участогына капиталь ремонт ясалган
Яр Чаллыда Яшьлек проспектындагы 578 метр озынлыктагы басым коллекторының хуҗалык-көнкүреш агынтылары челтәре участогына капиталь ремонт ясалган. Эшләр «Тормыш өчен инфраструктура» илкүләм проектының «Коммуналь инфраструктураны модернизацияләү» федераль программасы буенча башкарылган. Финанслау 17 млн 987 мең сумнан артып киткән.
«ТР инженерлык челтәрләренең баш идарәсе» ДКУ мәгълүматлары буенча, гомуми озынлыгы 2,07 км булган канализацион басым коллекторы 1976 елда файдалануга тапшырылган, хәзер тузу 80% тан артык тәшкил итә һәм агынты суны ташу вакытында хасил булган күкерт водороды парларының тәэсире аркасында килеп чыга. Урыны белән белгечләр тимер-бетон конструкциянең өске гөмбәзе җимерелүен теркәгәннәр, берничә тапкыр ярыклар бетерелгән. Көпшәләрнең эчке өслеге күпсанлы җәрәхәтле коррозиягә ия.
Коррозиянең интенсив процессын бетерү өчен әлеге челтәрләргә капиталь ремонт башларга карар кылынды. Эшләр 2026-2027 елларда да дәвам итәчәк. Проектны гамәлгә ашыру нәтиҗәсендә Яшьлек проспектында яшәүче 28 610 кешегә хезмәт күрсәтү сыйфаты яхшырачак.
Исегезгә төшерәбез, 2025 елда «Тормыш өчен инфраструктура» илкүләм проекты буенча 36 объект модернизацияләнәчәк, шул исәптән Яр Чаллыда гомуми озынлыгы 46 км дан артык булган 29 объект.
Моннан тыш, агымдагы елда Татарстан Рәисе Рөстәм Миңнеханов инициативасы белән республика программасы старт алды, аңа 100 объект кертелгән. Шулай итеп, ике программа буенча Татарстанда инженерлык инфраструктурасының 136 объекты модернизацияләнә.
ТР Төзелеш, архитектура һәм торак-коммуналь хуҗалык министры Марат Айзатуллин хәбәр иткәнчә, эшләр 128 объектта алып барыла, программаларның гомуми үтәлеше 45% тәшкил итә.