Иннополиста шәһәрләрне һәм торак-җирләрне төзекләндерү турында Бөтенроссия медиаконтент конкурсы узачак
Шәһәрләрне һәм торак-җирләрне төзекләндерүгә багышланган I Бөтенроссия медиаконтент конкурсына гаризалар кабул итү башланды. Конкурс иң яхшы төзекләндерү практикаларын популярлаштыруга һәм шәһәр мохите үсешен яктыртуга һөнәри һәм яшьләр медиа бергәлеген җәлеп итүгә юнәлдерелгән.
Чарада катнашырга журналистлар, блогерлар, урбанистлар, дизайнерлар чакырыла.
Конкурсантлар үз эшләрен 15 номинациядә тәкъдим итә ала, алар төрле форматларны үз эченә ала – видеороликлардан һәм подкастлардан алып фоторепортажларга һәм социаль проектларга кадәр. Башка номинацияләрдә белем бирү контенты, экологик инициативалар турында кыска креатив видео һәм материаллар тәкъдим итәргә мөмкин.
Эшне ВКонтактеда үз битеңдә бастырып чыгарырга һәм заявканы сылтама буенча тутырырга кирәк. https://россия-территория-развития.рф/blogery-blagoustrojstva
Конкурсның икенче этабы 24-26 сентябрьдә Татарстанда – Иннополисның Россия Федерациясе инновацион үзәгендә узачак.