1 сентябрьдән ТР Төзелеш министрлыгында төзелеш комплексындагы темаларны иң яхшы яктыркан журналист эшләре конкурсы башлана
1 сентябрьдә ТР Төзелеш министрлыгы Татарстан Республикасының төзелеш, архитектура һәм торак-коммуналь хуҗалык өлкәсендәге темаларны иң яхшы яктыртуга журналист эшләре конкурсына старт бирә.
Конкурска 2024 елның октябреннән агымдагы елның сентябренә кадәр әзерләнгән мәкаләләр, телевизион сюжетлар, мәгълүмати, аналитик һәм яңалык материаллары кабул ителә.
Конкурс 6 номинация буенча уздырыла, аларның һәрберсендә җиңүче (1 урын) һәм призерлар (2, 3 урын) билгеләнәчәк:
- «Шәһәр мохите» (ишегалларын, паркларны һәм скверларны төзекләндерү, шул исәптән Татарстан Республикасында республика һәм федераль программаларны гамәлгә ашыру турында);
- «Тормыш сыйфаты» (Татарстан Республикасында күпфатирлы йортлардагы гомуми мөлкәткә, социаль-мәдәни билгеләнештәге объектларга капиталь ремонт ясау турында);
- «Торак күчемсез мөлкәт» (торак төзелеше, ипотека кредитлау базарын үстерү, Татарстан Республикасында торак сатып алу ысуллары һәм программалары турында);
- «Социаль инфраструктура» (социаль инфраструктура объектларын төзү турында: Татарстан Республикасында Мәгариф, сәламәтлек саклау, мәдәният, спорт, яшьләр сәясәте объектлары);
- «ТКХ фокусында» Татарстан Республикасында коммуналь инфраструктураны модернизацияләү, торак-коммуналь хуҗалыкны үстерү турында);
- «Үз эшенең профессионаллары» (Татарстан Республикасы төзелеш тармагы һәм торак-коммуналь хуҗалык өлкәсе хезмәткәрләре эшчәнлеге турында).
Моннан тыш, 2025 елда «Темага тугрылык» махсус номинациясе билгеләнде. Ул төзелеш һәм капиталь ремонт буенча федераль һәм республика программаларын гамәлгә ашыру буенча министрлык эшчәнлегенә актив мәгълүмати ярдәм күрсәткән өчен редакциядә катнашучыга яисә коллективка бирелә.
Гаризалар 2025 елның 1 сентябреннән 30 сентябренә кадәр кабул ителә.
Конкурста катнашу һәм аның шартлары турында тулырак мәгълүматны махсус бүлектә һәм телефоннар аша белергә мөмкин. (843) 231-14-51, (843) 231-14-79, (843) 231-15-00.