Чүпрәле Туган якны өйрәнү музеена капиталь ремонт башланды
Иске Чүпрәле авылында төзүчеләр туган якны өйрәнү музее бинасын капиталь ремонтлауга кереште.
Музей 1970 елда оешкан һәм төрле елларда Пионерлар йортында, элекке хәрби комиссариат бинасында урнашкан. 2013 елдан Дзержинский урамындагы хәзерге ике катлы бинага күчә. Яңартылган экспозициядә районның танылган якташлары: тарихчы галим Һади Атласи, фронтовик шагыйрьләр Зәки Нури һәм Шәрәф Мөдәрриснең, Татарстанның халык артистлары Габдулла Рәхимкуллов, Һидият Солтанов һәм Ринат Таҗетдиновның, Чуваш драматургиясенә нигез салучы Николай Тремовның, драматург Анатолий Чебанов һәм башка бик күп күренекле эшлеклеләреның шәхси әйберләре һәм документлары тәкъдим ителгән. Хәзер музей фондларында 3300 дән артык әйбер саклана.
Музейның гомуми мәйданы 720 кв. м. белгечләр бу вакытка җылыту системасын һәм җылылык пунктын төзеп бетергәннәр. Электр белән тәэмин итү һәм электр яктырту, су белән тәэмин итү һәм су агызу системаларын, эчке инженерлык челтәрләрен ремонтлауга керештеләр.
Эшләр мәдәни билгеләнештәге объектларны капиталь ремонтлау республика программасы кысаларында алып барыла, гомуми үтәлеш 30% ка җиткән. Проект буенча яңартылган музей ишекләрен ноябрьдә ачарга тиеш.
Фото музей сайтыннан алынды