Татарстан Республикасы Төзелеш, архитектура һәм торак-коммуналь хуҗалык министрлыгы

9 май көненә республикада 909,3 тыс.кв.м торак - еллык биремнең 37,9% тапшырылган

2014 елның 10 мае, шимбә

9 май көненә республикада 909,3 тыс.кв.м торак тапшырылган, бу сан еллык биременең 37,9% тәшкил итә. Моның хакта бүген Татарстан Республикасының Хөкүмәт йортында узган киңәшмәдә ТР төзелеш, архитектура һәм ТКХ министры Ирек Фәйзуллин хәбәр итте. Видеоконференцэлемтә тәртибендәге киңәшмәне Татарстан Республикасы Президенты Рөстәм Миңнеханов үткәрде.

2 атна эчендә 70 мең кв.м торак тапшырылган, гомуми сумма исә 909,3 кв.м торак тәшкил итә. Социаль ипотека программасы буенча 9 май көненә гомуми мәйданы 74,9 мең кв.метр тәшкил иткән 1 мең 378 фатирлык 30 йорт тапшырылган. 2014 елда аренда торагы төзелеше программасы буенча 52 мең 913 кв.м гомуми мәйданлы 52 торак йорты төзелеше планлаштырылган. ДТФ программасы буенча 41 мең 492 кв.м гомуми мәйданлы 11 торак йорты төзелеше бара.

Авария хәлендәге торактан күчерү программасы буенча, Ирек Фәйзуллин искәртүенчә, 2014 елга бүленеп бирелгән Фонд акчаларының лимиты 894 миллион 184 сум тәшкил итә. Исегезгә төшереп китәбез, 2014 ел этабына элек 2104-2017 еллар этабына кертелгән авария хәлендәге йортлар кертелгән.

БВС ветераннарының торак шартларын яхшырту программасын гамәлгә кую кысаларында 9 май көненә 5 торак йорты тапшырылган, аларга тантаналы рәвештә 75 ветеран кчүкән. 2014 ел башыннан бирле республикада 145 ветеран өчен 24 торак йорты тапшырылган һәм 95 БВС ветераны өчен 24 йорт төзелеше дәвам итә.

Матбугат хезмәте

БАРЛЫК ЯҢАЛЫКЛАРНЫ УКУ