Татарстанда бүгенгә 996,8 мең квадрат метр торак йорт тапшырылган

2014 елның 24 мае, шимбә
Республикада 23 майга 996,8 мең кв. м. торак йорт тапшырылган, ул еллык йөкләмәнең 41,6%ын тәшкил итә. Бу хакта бүген Татарстан Республикасы Хөкүмәте йортында узган республика киңәшмәсендә ТР архитектура һәм торак коммуналь хуҗалыгы министры Ирек Фәйзуллин хәбәр итте. Киңәшмәне видеоконференция режимында барлык муниципаль районнар белән Татарстан Республикасы Премьер-министры Илдар Халиков уздырды.

Социаль ипотека программасы буенча 23 майга гомуми мәйданы 82,6 мең кв.м. булган, 1 мең 457 фатирлы 36 йорт тапшырылган. 2014 елга арендага бирелә торган төзелеш программасы кысаларында гомуми мәйданы 52 мең 913 кв.м. булган 52 торак йорт төзелеше планлаштырылган. Дәүләт торак фонды программасы буенча гомуми мәйданы 41 мең 492 кв.м. булган 11 торак йорт төзелеше бара. Ирек Фәйзуллин билгеләгәнчә, тузган торактан күчерү программасы буенча Фондның акча лимиты 2014 елга 894 млн. 184 сум тәшкил итә. 

Күп фатирлы инвестицион торак йорт программасы буенча техник әзерлек уртача 2% ка арткан. Планлаштырылганның 121 ннән 44 йорт тапшырылган.

Ирек Фәйзуллин Авыл клублары программасы буенча Лаеш райрнының Олы Кабан авылында эшләрнең төгәлләнүен белдерде. Рәсми ачылышы 26 майга билгеләнгән. Авыл кллублары программасы буенча 2014 елга 47 клуб төзелеше планлаштырылган. 


Матбугат хезмәте
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Документлар
Матбугат хезмәте
Гражданнарны кабул итү
Адрес: 420111 Казан, Дзержинский урамы, 10
Телефон: +7 (843) 231-14-10, кайнар линия телефоны: +7 (843) 231-14-10
Факс: +7 (843) 231-15-55
E-Mail: msagkh@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International