РФ Төзелеш һәм ТКХ министрлыгы, Татарстанның гомумйорт ихтыяҗлары проблемасы буенча тәкъдимен карый

Бүген “Бердәм Россия” партиясенең ҮСК нең селектор киңәшмәсендә “ТКХ – яңа сыйфат” бөтенроссия форумы нәтиҗәләре буенча фикер алыштылар.
Бүген “Бердәм Россия” партиясе ҮСК оештырган селектр киңәшмәсендә катнашучылар, 7 июньдә РФ Хөкүмәте Рәисе Дмитрий Медведев рәислегендә узган киңәшмәдә “ТКХ – яңа сыйфат” бөтенроссия форумы нәтиҗәләре буенча фикер алыштылар. Чара видеоконференция режимында узды. Анда Татарстаннан “БР” территориаль төбәк бүлеге сәяси совет секретаре, ТР Дәүләт Советы Рәисе Фәрит Мөхәммәтшин, партиянең ТТБ башкарма комитеты, ТР Төзелеш, архитектура һәм ТКХ министрлыгы, Казан Башкарма комитеты вәкилләре, республика парламенты депутатлары катнашты.
 “ТКХ – яңа сыйфат” бөтенроссия форумына 1 меңнән артык кеше җыелды, алар арасында күп фатирлы йортлар рәисләре, ТКХ җәмәгатьчелек контроле үзәкләре, ТКХ җитәкчеләре, идарәче компанияләр җитәкчеләре, “Управдом” партия проекты төбәк координаторлары, төбәкләрнең закон чыгару җыеннары тармак комитетлары рәисләре, җирле үзидарә органнары депутатлары, Дәүләт Думасы депутатлары, экспертлар бар иде. 
Форумда катнашучыларның тәкъдимнәре партия рәисе, Россия Премьер-министры Дмитрий Медведевка юнәлдерелде. РФ Төзелеш һәм ТКХ министрлыгы форум нәтиҗәләре буенча карарлар кабул иткән.
 Селектор киңәшмәсендә нәтиҗә ясап, Фәрит Мөхәммәтшин, РФ Хөкүмәте каравына юнәлдерелгән тәкъдимнәрнең берсе буенча гына искәрмә белдерде. Бу мәсьәлә гомумйорт ихтыяҗлары проблемасына кагыла. Тәкъдимнең асылы гомумйорт ихтыяҗлары түләүләрен торак хезмәтләр категориясеннән коммуналь хезмәтләр категориясенә күчерүгә бәйле. Ф. Мөхәммәтшин фикеренчә, бу, торак оешмаларына керем күләмен киметәчәк. Республика Дәүләт Советы Рәисе искәртүенә караганда, Татарстан Хөкүмәте тарафыннан, гомумйорт ихтыяҗлары чыгымнары, коммуналь ресурсларны исәпләү җайланмалары куелмаган кулланучылар счетына җыелып баруы турында карар кабул ителгән. Аның сүзләренә караганда, бу, намуслы кулланучыларга коммуналь ресурслар өчен хисап җайланмалары күрсәткечләре буенча түләү мөмкинлеге бирә. Моннан тыш, бу, намуссыз түләүчеләрне тиешенчә түләргә яки хисап җайланмалары куярга мәҗбүр итәчәк. Татарстан парламенты спикеры бу мәсьәләне федераль дәрәҗәдә караганда, республика тәкъдимен игътибарга алуны сорады.
 РФ төзелеш һәм ТКХ министры урынбасары Андрей Чибис белдергәнчә, бу атнада, әлеге мәсьәләне хәл итү өчен, Татарстан вәкилләре белән очрашу үткәрү планлаштырыла, дип белдерде.