«Казан-Арена» стадионында беренче матч узды

«Казан-Арена» стадионында дөнья чемпионаты буенча беренче матч узды. Бүген Казанда яңа стадионда «Рубин» Россия футбол Премьер-лигасы чемпионатының дүртенче туры матчында Мәскәү «Локомотив»ын кабул итте.
Матч башланыр алдыннан «Казан-Арена» стадионы каршындагы 2018 елгы футбол буенча дөнья чемпионатына багышланган стелланы ачу тантанасы булды. Стелла япмасын Татарстан Республикасы Президенты Рөстәм Миңнеханов һәм Россия Федерациясе Спорт министры Виталий Мутко ачты.
«Казан-Арена» стадионы кырында Виталий Мутко һәм Рөстәм Миңнеханов җанатарларны һәм команданы сәламләделәр, аларны 2018 елгы дөнья чемпионатының беренче стадионын ачу белән котладылар. Татарстан Президенты футбол аренасында тудырылган шартлар кунакларга ошар дип ышаныч белдерде.
Футбол тубына беренче итеп «Рубин» ветераны Андрей Князев типте, шуннан соң команда уенны башлап җибәрде.