ЯҢАЛЫКЛАР

Бүген Татарстан Республикасы Биектау муниципаль районының Эстачи авылында яңа «Шаян» балалар бакчасы ачылды. Ачылыш тантанасында ТР Төзелеш, архитектура һәм торак-коммуналь хуҗалык министры Марат Айзатуллин катнашты. Эстачи авылында балалар бакчасы «Демография» милли проекты кысаларында төзелгән. Объектның заказчысы - «Татарстан Республикасының Баш инвестицион-төзелеш идарәсе» ДКУ, проект эшләре «Татинвестгражданпроект»ДУП тарафыннан башкарылган. Яңа 3 катлы (шул исәптән подвал) бинаның гомуми мәйданы - 3,5 мең кв.метр. Балалар бакчасы 220 урынга исәпләнгән.

2022 елның 24 февралендә Екатеринбургта World Build/State Contract төзелеш һәм проектлаштыруда сатып алулар буенча форум узачак. Онлайн режимда дөньяның теләсә кайсы почмагыннан катнашырга мөмкин. World Build State Contract заказчылар һәм подрядчылар өчен төзелештә һәм проектлаштыруда, шулай ук сатып алулар өлкәсенә кураторлык итүче ведомстволар өчен үткәрелә. Чараның максаты - 44-ФЗ, 223-ФЗ һәм РФ Хөкүмәтенең 615 карары буенча дәүләт сатып алулары өлкәсендә катнашучы белгечләрнең грамоталылыгын арттыру һәм төзелеш, проект заказчылары һәм подрядчылар арасында яңа элемтәләр урнаштыру.

2021 елда Татарстанда 12 федераль проект һәм 44 республика төзелеш һәм капиталь ремонт программасы гамәлгә ашырылды. Быел ТР Төзелеш министрлыгы алты илкүләм проектны гамәлгә ашыруда катнашачак, алар кысаларында 12 федераль проектка керүче 90 объект төзелешен мониторингларга кирәк. Хәзерге вакытта профильле федераль министрлыклар һәм ведомстволар белән барлык объектлар буенча килешүләр төзелгән. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Премьер-министры Алексей Песошин уздырды.

Хөрмәтле хезмәттәшләр! 

Бөтен ил дулкынланып яңа 2022 елны көтә. Бу күркәм традиция - бүләкләр сатып алу, үз өйләрен бизәү һәм могҗиза көтү. Һәрвакыттагыча, Яңа ел алдыннан без нәтиҗәләр ясыйбыз, кем белән эшләгәннәргә, бергә булганнарга рәхмәт белдерәбез.

Татарстан Премьер-министры Алексей Песошин бүген Яшел Үзәндә яңа балалар поликлиникасын һәм видеоэлемтә буенча Әгерҗедә поликлиника ачу тантанасында катнашты.

Алексей Песошин билгеләгәнчә, гражданнарның сәламәтлеген кайгырту һәрвакыт республика җитәкчелегенең игътибар үзәгендә булды.

ТР Премьер-министры медицина объектлары бик кыска срокларда төзелде, дип белдерде. Ул төзүчеләрне һәм яңа поликлиникаларны җиһазлауда катнашучыларның барысына да рәхмәт белдерде.

“Яңа поликлиниканы файдалануга тапшыру халык сәламәтлеге торышына уңай йогынты ясар дип ышанам. Медперсоналга уңышлы эшчәнлек телим”, - дип өстәде ТР Хөкүмәте башлыгы һәм бүләкләр тапшырды.

Аннары Алексей Песошин Яшел Үзәндә балалар поликлиникасын карады. Учреждение 200 кешегә хезмәт күрсәтүгә исәпләнгән һәм заманча медицина җиһазлары куелган. Поликлиника составына балаларны амбулатор-поликлиника кабул итү бүлеге, дәвалау-профилактика кабинетлары һәм сәламәт бала бүлеге, ДФК бүлеге, физиотерапия бүлеге керә.

Әгерҗедәге поликлиника шулай ук заманча җиһазландырылган. Анда ренттгенология компьютер томографы, “Визиограф” денталь рентген-диагностика аппараты, маммограф һәм башка җиһазлар бар. Поликлиника составына өлкәннәрне амбулатор-поликлиника кабул итү бүлеге, хатын-кызлар консультациясе, рентген-диагностика бүлеге, функциональ диагностика кабинеты һәм клиника-диагностика лабораториясе керә.

Бүген Татарстан Республикасы төзелеш, архитектура һәм торак-коммуналь хуҗалык Министрлыгында «Татарстан Республикасының иң төзек торак пункты» республика конкурсы җиңүчеләрен, призерларын һәм дипломантларын бүләкләү тантанасы булды. Җиңүчеләргә бүләкләрне ТР Төзелеш, архитектура һәм торак-коммуналь хуҗалык министры урынбасары Илдус Насыров тапшырды. Иң төзек торак пунктка конкурс җиде номинация буенча үткәрелә, шулай ук төзекләндерү буенча иң яхшы предприятие, иң яхшы ТМШ һәм Татарстан Республикасының күпфатирлы йортлар белән идарә итү буенча иң яхшы оешма сайлап алына. Җиңүчеләр Татарстан Республикасы Хөкүмәте бюджетыннан премия фонды акчалары исәбеннән акчалата премия алалар, ул 6,8 млн.сум тәшкил итә. 90% тан да ким булмаган күләмдә акчалата премия торак пунктны алга таба төзекләндерүгә тотылырга тиеш. Быел конкурс номинацияләре буенча республиканың 21 муниципаль берәмлегенең торак пунктларыннан 35 гариза керде. Бүген бүләкләү тантанасында 16 муниципаль район вәкилләре - конкурста җиңүчеләр, призерлар һәм дипломантлар катнашты.

Татарстанда Яңа ел бәйрәмнәре чорында Төзелеш, архитектура һәм торак-коммуналь хуҗалыгының барлык предприятиеләре көчәйтелгән режимда эшләячәк. Бу хакта ТР Министрлар Кабинетында брифингта  төзелеш, архитектура һәм торак-коммуналь хуҗалыгы министры урынбасары Алексей Фролов белдерде.

Яңа ел бәйрәмнәрендә коммуналь хуҗалыктагы вазгыятьне контрольдә тоту өчен оператив штаб булдырылган, һәр бәйрәм көненә җаваплы кешеләр билгеләнгән.

Алексей Фролов билгеләгәнчә, республикада торак-коммуналь хезмәтләрен 1 488 оешма күрсәтә.

“Бәйрәм көннәрендә халык өендә була. Яңа ел төненнән соң чүп түгүнең иң актив фазасы була. Һава торышына карап, бу чорда йорт яннарына килү юлларын чистартып торырга кирәк булачак”, -дип ассызыклады ул.  

“Татлизинг” предприятиесе базасында материалларның авария-техник запасы булдырылган, дизель генераторлары, махсус техника әзерләнгән. Җитди авария була калса, ике мобиль котельный эшкә әзер тора.

Татарстанның Минзәлә районында район хастаханәсенең балалар поликлиникасының яңа бинасы ачылды. Ачылыш тантанасында ТР Дәүләт Советы Рәисе Фәрит Мөхәммәтшин катнашты.

Фәрит Мөхәммәтшин яңа балалар поликлиникасы ачылышында билгеләп үткәнчә, республикада сәламәтлек саклау үсеше буенча федераль һәм республика дәүләт программалары уңышлы гамәлгә ашырыла. "Минзәләдәге яңа балалар поликлиникасы Татарстан Республикасы Президентының Дәүләт Советына еллык юлламасында күрсәтелгән социаль бурычларны үтәүнең ачык нәтиҗәләреннән берсе булып тора, - диде ул. - Күптән түгел генә без Биектау районында яңа поликлиника ачтык. Бу объектлар гражданнарның сәламәтлеге турында кайгыртуның үсә баручы дәрәҗәсен ачык күрсәтә. Бу учреждение балаларның сәламәтлеген саклауга хезмәт итәчәк, ә медперсоналга биредә эшләү өчен яхшы шартлар тудырылган, дип ышанам".