ЯҢАЛЫКЛАР
Бүген Татарстан Республикасында Кеше хокуклары буенча вәкаләтле вәкил Аппаратында (Казан шәһәре, К.Маркс ур., 61 нче йорт) торак-коммуналь хуҗалык мәсьәләләре буенча гражданнарны хокукый агарту максатыннан халыкка түләүсез юридик ярдәм күрсәтелде. Чарада Татарстан Республикасы төзелеш, архитектура һәм торак-коммуналь хуҗалык Министрлыгының юридик бүлеге вәкилләре Эльвира Латыйпова һәм Альбина Нуртдинова катнашты. Гражданнарны кабул итү барышында белгечләр тарафыннан 75тән артык мөрәҗәгать каралды.
2021 елның 30 ноябрендә 17.30 сәгатьтә Татарстан Республикасы Яшьләр эшләре һәм спорт министрлыгы YouTube каналында трансляция белән #ЯшьләргәТоракТР туры эфир үткәрә. Турыдан-туры эфир барышында «ЙОРТ.РФ» АҖ федераль торак проектлары («Ташламалы ипотека» яңа төзелешләргә 7% кадәр, «Гаилә ипотекасы» сатып алу һәм рефинанслауга 6% кадәр, «Авыл ипотекасы» 3% кадәр), шулай ук ТР Дәүләт торак фондының ташламалы социаль ипотека шартларында «Яшь гаилә» республика яшьләр торак программасы (еллык 7% һәм торак бәясенең 10% беренчел кертем белән) ачык һәм җентекле формада тәкъдим ителәчәк.
Торак төзелеше программалары буенча эш темплары узган елгы күрсәткечләрдән югарырак. Еллык план 96%ка үтәлгән. 2 млн 555 мең квадрат метр торак файдалануга тапшырылган. Бу хакта ТР төзелеш, архитектура һәм ТКХ министры Марат Айзатуллин ТР Хөкүмәте йортында узган киңәшмәдә хәбәр итте. Киңәшмәне ТР Премьер-министры Алексей Песошин уздырды.
Республикада социаль-мәдәни объектлар төзелеше, торак төзелеше һәм милли проектлар буенча республика программаларын гамәлгә ашыру соңгы стадиядә тора. Агымдагы елның 17 республика программасы үтәлешенең гомуми күләме 90% тәшкил итә. Бу хакта ТР төзелеш, архитектура һәм ТКХ министры Марат Айзатуллин ТР Хөкүмәте йортында узган киңәшмәдә хәбәр итте. Киңәшмәне ТР Премьер-министры Алексей Песошин уздырды.
ТР Төзелеш, архитектура һәм торак - коммуналь хуҗалык министрлыгында министр урынбасары Илшат Гимаев җитәкчелегендә төзелеш материаллары сәнәгате предприятиеләренең «Хезмәт җитештерүчәнлеге»илкүләм проектында катнашу мөмкинлеге турында мәгълүмат бирү буенча семинар-киңәшмә узды. «Татарстан Республикасының төзелеш тармагы динамик рәвештә үсә, масштаблы торак төзелеше дәвам итә, юллар, социаль-мәдәни-көнкүреш, мәгариф, сәламәтлек саклау, яшьләр һәм спорт, Авыл хуҗалыгы объектлары төзелеше буенча милли проектлар һәм республика программалары уңышлы тормышка ашырыла. Торак төзелеше күләме буенча Татарстан Республикасының Рәссәй Федерациясе субъектлары арасында беренче унлыкка керүен билгеләп үтү күңелле»,-дип билгеләп үтте Төзелеш, архитектура һәм торак-коммуналь хуҗалык министры урынбасары Илшат Гыймаев. «Татарстан Республикасының Энергия һәм ресурсларның нәтиҗәле технологияләре үзәге» ДАУ директоры урынбасары – хезмәт җитештерүчәнлеге өлкәсендә компетенцияләр региональ үзәге җитәкчесе Шамил Бәйрәмов «Хезмәт җитештерүчәнлеге» милли проекты турында презентация белән чыгыш ясады. Ул искәрткәнчә, 2018 елдан Татарстан Республикасы территориясендә «Хезмәт җитештерүчәнлеге» милли проекты чаралары уңышлы гамәлгә ашырыла, алар беренче чиратта lean-технологияләрне кертү һәм хезмәткәрләрне укыту юлы белән җитештерү һәм ярдәмче процессларны оптимальләштерүгә юнәлтелгән. Илкүләм проектта катнашу предприятиеләргә хезмәт җитештерүчәнлеген арттырырга, шулай ук сакчыл җитештерү инструментларын кертү нигезләрен үзләштерергә мөмкинлек бирә. Илкүләм проектта катнашучылар өчен өстәмә ярдәм чарасы - яңа продукция җитештерүне модернизацияләү өчен елына 1 % белән 300 млн. сумга кадәр ташламалы займ алу мөмкинлеге. Семинарда төзелеш материаллары сәнәгате предприятиеләре вәкилләре – «Хезмәт җитештерүчәнлеге» милли проектының потенциаль катнашучылары катнашты.
Олы Ключи авылында ТР Яшел Үзән районында беренче модульле кибет ачылды. Кибет «Халыкка комплекслы хезмәт күрсәтү буенча блок-модульле пункт төзү»республика программасы буенча төзелгән. «Мондый халыкка хезмәт күрсәтү пунктлары булу-бу бик мөһим. Яшел Үзән районында бу беренче модульле кибет. Республика программасы ярдәмендә без кече һәм урта бизнеска ярдәм итә алабыз. Модульле кибетләрне төзү буенча бишьеллык программа эшләнде», - дип сөйләде район башлыгы Михаил Афанасьев. Исегезгә төшерәбез, «Халыкка комплекслы хезмәт күрсәтүнең блок-модульле пунктларын төзү» республика программасын гамәлгә ашыру кысаларында 2021 елда Татарстанда республиканың 15 муниципаль районында 16 объект төзелде.
Кукмара районының Манзарас авылында 1,1 мең квадрат метрлык «Батыр» физкультура-сәламәтләндерү комплексы ачылды. Яңа объектта спорт белән шөгыльләнү һәм сәламәтлекне ныгыту өчен барлык мөмкинлекләр дә тудырылган. Комплекс мини-футбол, бадминтон, волейбол һәм зур теннис өчен мәйданчыкларны үз эченә ала.
Татарстанда социаль-мәдәни өлкә объектларын капиталь ремонтлау буенча республика программаларын гамәлгә ашыру тәмамланып килә. Быел 3,5 мең объектны ремонтлауга республика 23 млрд. сумнан артык акча бүлеп бирде. Хәзерге вакытта барлык программалар буенча эшләр 96%ка башкарылган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Киңәшмәне Татарстан Республикасы Президенты Рөстәм Миңнеханов уздырды.
Мәгариф өлкәсендә 413 объект кергән 3 программаның 413е белем бирү учреждениеләренә капиталь ремонт ясау программасы эштә кала. Казан шәһәренең 104 нче балалар бакчасында ремонт эшләре тәмамланып килә, эшләр күләме 95% тәшкил итә. 48 учреждение ремонтланган.
Медицина стационарларын капиталь ремонтлау программасына кертелгән 18 объектның дүртесе подрядчыларда кала. Гомумән алганда, программа чаралары 93%ка үтәлгән.
Эчке эшләр министрлыгы карамагындагы биналарга капиталь ремонт ясау программасы буенча эшләрнең гомуми үтәлеше 94% дип бәяләнә. Биш объект файдалануга тапшырылган, тагын дүртесе – эштә.
Балаларны савыктыру лагерьларын ремонтлау программасына кертелгән алты объектның дүртесе әзер. Программа буенча төзелеш-монтаж эшләре 96%ка үтәлгән.
Спорт объектларын капиталь ремонтлау программасында каралган эшләр финал стадиясендә. Подрядчылар 16 объектны тапшырганнар.
Инженерлык инфраструктурасын модернизацияләү программалары буенча гомуми смета бәясе 1,4 млрд.сум булган 881 объектны үз эченә алган 6 программаны гамәлгә ашыру тәмамланган. Бу атнада подрядчылар тарафыннан «Чистарту корылмаларын модернизацияләү һәм канализация челтәрләрен капиталь ремонтлау» программасы һәм «Газ бүлү челтәрләрен, йорт эчендәге газ куллану челтәрләрен реконструкцияләү, төзү, блок-модульле котельныйларны һәм тышкы казаннарны урнаштыру» программасы кысаларында соңгы объектлар тәмамланган.
Программа чараларының блогын күпфатирлы йортларда капиталь ремонт программасы тәмамлый. «Торак фонды мониторингы» дәүләт мәгълүмат системасы мәгълүматлары буенча агымдагы датага лимит 99%ка үзләштерелгән. 10 муниципаль берәмлектә эшләр дәвам итә.
Күп фатирлы йортларга капиталь ремонт ясау программасы муниципалитетлардан 15%ка финанслана. Бүгенге көндә фонд счетларына җирле бюджетлардан 740 млн. сум, ягъни программада каралган күләмнең 64%ы кергән. Казан шәһәре һәм Әлмәт муниципаль районы да акчаны тулысынча күчермәгән.
Шулай ук Татарстан Республикасы Төзелеш министрлыгы тарафыннан, республиканың тармак министрлыклары һәм ведомстволары белән берлектә, 2022 елга программалар исемлеген формалаштыру буенча комплекслы эш башкарыла.
Тарихи җирлекләрдә шәһәр төзелеше эшчәнлеге мәсьәләләре буенча ведомствоара комиссия утырышын Татарстан Республикасы Президенты Рөстәм Миңнеханов уздырды. Чарада Татарстан Республикасы Президенты ярдәмчесе Олеся Балтусова, Татарстан Республикасы төзелеш, архитектура һәм ТКХ министры Марат Айзатуллин, Казан мэры Илсур Метшин һәм башкалар катнашты. Комиссия әгъзалары Адмиралтейская, Яхин, Мәскәү, Нариманов, Габдулла Тукай һәм Курашов урамнарындагы торак төзелеше өлкәсендә кайбер инвестицион проектларны тормышка ашыруны хупладылар. Рөстәм Миңнеханов торак комплексларны төзегәндә социаль инфраструктура турында алдан кайгыртырга кирәклеген искәртте. «Торак - коммуналь хуҗалык төзелеше социаль объектлар: балалар бакчалары, мәктәпләр үсеше белән бергә алып барылырга тиеш», - дип ассызыклады ул. Шулай ук Рөстәм Миңнеханов билгеләп үткәнчә, тарихи җирлекләрдә яңа төзелешкә карата төп таләпләрнең берсе - катларны саклау. Петербург урамындагы ике проект буенча (кунакханә тибындагы күп функцияле комплекс һәм сәүдә-кунакханә комплексы) Татарстан Республикасы Президенты Тихомирнов урамындагы юл хәленә ничек йогынты ясавын игътибар белән өйрәнергә кушты. «Бу урам инде йөкләнгән. Әлеге проектларны гамәлгә ашыру юллардагы коллапска китерүгә юл куймаска кирәк», - дип игътибар итте Рөстәм Миңнеханов. Шамов хастаханәсе комплексының өченче чираты проекты белән танышканнан соң, комиссия әгъзалары бинаның тышкы кыяфәте гомуми стилистикага гармонияле туры килсен өчен, фасадны рәсмиләштерүне эшләп бетерергә тәкъдим иттеләр. Комиссия хуплавы белән Подлужная урамындагы «Казансу» подстанциясе бинасының тышкы кыяфәтен төзекләндерү һәм 25 нче Октябрь урамындагы ТР буенча Рәссәй Федераль салым хезмәтенең 20 нче номерлы районара административ бинасын реконструкцияләү проектлары кабул ителде. Утырыш барышында шулай ук Зөя утрау-шәһәре территориясендә торак йортлар төзү һәм реконструкцияләү проектлары тәкъдим ителде. Барлык 3 гариза да хупланды. «Барлык объектлар да лаеклы. Бүген Зөя буенча бик дөрес эш бара. Һәр яңа йорт бизәүгә әйләнергә һәм утрау-шәһәрлекнең архитектур йөзен бозмаска тиеш», - дип билгеләде ТР Президенты. Соңыннан комиссия әгъзалары Лаешта Җәмигъ мәчете комплексы төзелеше проекты белән таныштылар. Архитекторларга проектны эшләп бетерергә, аерым алганда, мәчетнең түбәсе һәм гөмбәзе формасын үзгәртергә тәкъдим иттеләр.