ЯҢАЛЫКЛАР
ТР төзелеш, архитектура һәм торак-коммуналь хуҗалыгы Министрлыгы базасында «Татарстан Республикасы Коммуналь предприятиеләр союзы» Региональ тармак эш бирүчеләр берләшмәсе гомуми чираттагы җыелышы узды, аның барышында 2018 елга йомгак ясалды, 2019 елга төп бурычлар билгеләнгән.
Чарада «Коммуналь предприятиеләр Союзы» Гомумрәссәй тармак эш бирүчеләр берләшмәсе президенты С. Н.Агапитов, «Татарстан Республикасы Коммуналь предприятиеләр союзы» Региональ тармак эш бирүчеләр берләшмәсе директорлар Советы рәисе Абрек Хәйруллин, республиканың ТКХ министрлыгы, предприятияләре һәм оешмалары вәкилләре.
Коммуналь тармакка инновацияләр кертү, күп фатирлы йортларны һәм социаль-мәдәни өлкә объектларын капиталь ремонтлау - бу һәм башка мөһим темалар турында бүген министр урынбасары Илдус Насыйров һәм Сахалин өлкәсе торак-коммуналь хуҗалык министры Дмитрий Зайцев фикер алыштылар. Республиканың җылылык һәм энергия белән тәэмин итү, су үткәргеч - канализация хуҗалыгы өлкәсенә аерым игътибар бирелде. Үзенең чыгышында министр урынбасары Илдус Насыйров билгеләп үткәнчә, гражданнарның канәгатьлегенең төп факторы булып күп фатирлы торак йортларның торышы тора. Һәм бу торакка капиталь ремонт ясау программасын гамәлгә ашыру аркасында ирешелгән: «10 ел эчендә республикада 5 мең 91 лифт ремонтланган һәм алмаштырылган, 7,5 млн.кв. метрдан артык түбә, 14 млн. кв. м фасад ремонтланган. Тулаем алганда, 58 млрд.847 млн. сумлык 10 мең 664 йорт ремонтланган, шуларның 10 млрд. 551 млн. сумы – федераль акчалар».
«Казан энергосервис үзәге» МУП директоры Евгений Чекашов коммуналь хезмәтләрнең сыйфатын күтәрү турында сөйләде. Сахалин делегациясе башлыгы Татарстан Төзелеш Министрлыгына һәм чарада катнашучыларның барысына да ачык, эчтәлекле сөйләшү өчен рәхмәт белдерде һәм алга таба хезмәттәшлек итүгә өмет белдерде.
Татарстан Төзелеш министрлыгы, «ДОМ.РФ» АҖ белән бүген Торак төзелеше Бердәм мәгълүмат системасы (ТТБМС) эшчәнлеге мәсьәләләре буенча семинар-киңәшмә уздырды. Системаны эшләүче вәкилләр ТТБМС белән эшләгәндә барлыкка килгән иң кискен мәсьәләләрне карадылар. Очрашу министр урынбасары Илшат Гимаев җитәкчелегендә узды. Төзелеш алып баручылар, җирле үзидарә органнары, өлешләп төзү өлкәсендә контроль (күзәтчелек) буенча вәкаләтле органнар һәм Татарстан Республикасы Иҗтимагый палатасы вәкилләре катнашты. Тыңлаучыларга системаның төп блокларында эшнең нечкәлекләре, кертелә торган мәгълүматка таләпләр турында сөйләделәр. Кайбер катнашучылар аның техник камилләштерү буенча үз тәкъдимнәрен керттеләр-алар эшләүчеләр тарафыннан игътибар ителәчәк. Исегезгә төшерәбез, торак төзелешенең бердәм мәгълүмат системасы (ТТБМС) Рәссәй Төзелеш министрлыгы һәм «ДОМ.РФ» АҖ тарафыннан 2017 елда ясалды, аңа 2018 елның 1 гыйнварыннан өлешләп төзү буенча барлык төзүчеләр һәм объектлар турында мәгълүмат кертелә.
Авыл торак пунктларында яктыртуны торгызу буенча дәүләт программасын гамәлгә ашыра башлаганнан алып, Татарстанда 55 меңнән артык энергия саклаучы яктырткыч урнаштырылган. 2014-2018 елларда бу программаны финанслауга 1 миллиард 125 миллион сум акча тотылган.
Быел программаны финанслауга 225 миллион сум юнәлдерү планлаштырыла.
2018 елда программа буенча 10 меңнән артык яктырткыч һәм 273 электр энергиясен исәпләү щиты урнаштырылган. Шулай ук 354 чакрым озынлыгындагы үзен-үзе күтәреп торучы изоляцияләнгән үткәргеч монтажланган. Бу максатларга 225 миллион сум бүленгән.
2014-2017 елларда 45,7 мең яктырткыч, 2 мең электр энергиясен исәпләү щиты һәм 1,3 мең чакрым озынлыгындагы үзен-үзе күтәреп торучы изоляцияләнгән үткәргеч куелган.
Авыл җирлегендә яктыртуны торгызу буенча программа республикада 2014 елдан, энергияне сак һәм нәтиҗәле куллану җиһазларын файдалануга кертү һәм урамнарны яктыртуны норматив хәлгә җиткерү исәбенә, энергия куллануны киметү максатында эшли.
Казанда ачылган «күпфатирлы йортны эксплуатацияләү һәм карап тоту» компетенциясе буенча беренче төбәк чемпионаты нәтиҗәләре буенча WorldSkills илкүләм чемпионатында ике катнашучы сайлап алыначак. Бу хакта бүген региональ чемпионат ачылганнан соң Казан төзелеш һәм шәһәр хуҗалыгы көллияте директоры Җәмил Бакаев әйтте, дип хәбәр итә «Татар-информ» МА. "Май аенда WorldSkills милли чемпионаты вакытында "күпфатирлы йортны эксплуатацияләү һәм карап тоту" компетенциясе презентация буларак тәкъдим ителәчәк. Ул гомуми конкурстан тыш узачак. Анда бөтен Рәссәйдән якынча биш-алты кеше катнашыр дип көтелә. Бу-Казанның ике вәкиле, шулай ук Калининград, Ярославль, Әстерхан һәм Чиләбе өлкәләре вәкилләре», – дип сөйләде ул.
«Күпфатирлы йортны эксплуатацияләү һәм карап тоту» компетенциясе буенча төбәк чемпионатында алты кеше катнаша, алар барысы да – Казан төзелеш һәм шәһәр хуҗалыгы көллияте студентлары. Ярышлар өч көн дәвам итәчәк, алар өч модуль буенча уза. Студентлар халыкның гомуми җыелышын һәм тискәре караштагы милекчеләр, шулай ук чит ил хезмәтләре күрсәтүче оешмалар вәкилләре белән очрашулар үткәрәчәк. Алар күпфатирлы йортка барачаклар, аны визуаль рәвештә бәяләячәкләр һәм дефект йомгаклавын язачаклар. "Чемпионатның баш эксперты -"Торак-коммуналь хуҗалыкны үзгәртеп коруга ярдәм итү фонды " ДК өйрәтү проектлары идарәсе киңәшчесе Мәскәүдән Александр Шарашкин. Шулай ук Мәскәүдән тагын ике эксперт һәм Ярославль өлкәсеннән бер вәкил килде. Татарстаннан эксперт сыйфатында ТР торак-коммуналь хуҗалыгы өлкәсендә иҗтимагый контроль региональ үзәгенең башкарма директоры Дмитрий Романов чыгыш ясый», - дип билгеләп үтте Җәмил Бакаев.
Чемпионатның баш эксперты Александр Шарашкин Казанда узачак WorldSkills-2019 чемпионатына махсус рәвештә «торак-коммуналь хуҗалыкны үзгәртеп коруга ярдәм итү фонды» ДК әлеге компетенциядә иң заманча модульләр тәкъдим итәчәк, дип аңлатты. Бу-«ЖК – профи» - күпфатирлы йорт белән идарә итү симуляторы, ул белгечләргә күпфатирлы йортның торышын виртуаль бәяләргә һәм шулай ук аны торгызу һәм төзәтү чараларын виртуаль рәвештә күрергә ярдәм итәчәк. Моннан тыш, тагын ике модуль тәкъдим ителәчәк: «йорт яны территориясен төзекләндерү» һәм «капиталь ремонт нәтиҗәләрен анализлау». «2019 елның гыйнварыннан бирле без шундый дүрт төбәк чемпионатын уздырдык. Җиңүчеләрне һәм призерларны торак-коммуналь хуҗалыгының төрле оешмаларына эшкә чакыралар. Мондый мисаллар Ярославль һәм Чиләбе өлкәсендә булган. Бу ТКХ тармагында югары квалификацияле белгечләргә ихтыяҗ барлыгын күрсәтә", - дип билгеләп үтте Александр Шарашкин.
Татарстан Республикасында 2019 елның 4 апреленә 772,7 мең кв. м торак файдалануга тапшырылган, бу планның 31,9%ы.
Бүген бу хакта Татарстан Республикасы Төзелеш, архитектура һәм ТКХ министры Ирек Фәйзуллин республика киңәшмәсендә хәбәр итте.
2019 елның 1 апреленнән 31 маена кадәр Татарстан Республикасында торак пунктлар территорияләрен чистарту буенча санитар-экологик икеайлык кысаларында «Чиста төзелеш» акциясе үткәрелә. Исегезгә төшерәбез, төзүчеләр һәм подрядчы оешмалар төзелеш мәйданнарында чисталык саклауны тәэмин итү һәм территорияләрнең пычрануына юл куймау буенча чаралар үткәрелергә тиеш.
32 нче Регионара төзелеш күргәзмәсе кысаларында «Кырым. Төзелеш индустриясе. Энергияне саклау. Яз-2019» (Кырым Республикасы, Симферополь шәһәре) беренче тапкыр «Архитектура - алга адым!» перспективалы архитектура ачык конкурсы үткәрелде. Конкурс Рәссәй архитекторларына һәм дизайнерларына заманча аз катлы архитектураны проектлауга, төзүгә һәм популярлаштыруга юнәлдерелгән инновацион идеяләрне алга этәрүдә ярдәм итүгә юнәлдерелгән. Конкурсны оештыручылары «Форум. Кырым күргәзмәләре» ҖЧҖ һәм «Версальпроект» архитектура-дизайн бюросы булдылар. Конкурста архитекторлар, дизайнерлар, архитектура һәм дизайн бюролары, студияләр, иҗат коллективлары, Рәссәйнең архитектура уку йортлары студентлары катнашты. «Архитектура-алга адым!» конкурсы «Аз катлы архитектура-студентлар проекты» номинациясендә Казан дәүләт архитектура һәм дизайн университетының архитектура һәм дизайн Институты студентлары Селиванова Дарья Владимировна һәм Березин Илья Ильфатовичның «Сәер» проекты беренче урын алды.
Татарстан Республикасының Дәүләт төзелешен күзәтү инспекциясе Казанның Идел буе районында, Профессор Камай урамында мәктәпкәчә белем бирү оешмасын төзүне контрольдә тотуны гамәлгә ашыруга кереште. Хәзерге вакытта биредә төзүчеләр 2 катның тышкы диварларын кирпеч белән салу буенча эш алып баралар. Балалар бакчасы 220 урынга исәпләнгән. Төзелешне финанслау Татарстанның бюджет акчалары хисабына тормышка ашырыла. Төзүче-«Татарстан Республикасының Баш инвестицион-төзелеш идарәсе» БКИ. Генподрядчы «Нэо Строй» ҖЧҖ булды. Төзелешне план буенча тәмамлау – 2019 елның өченче кварталы.
Татарстанда арендалы торак программасы 2010 елдан гамәлгә ашырыла, бу вакыт эчендә 2663 фатирлы 224 аренда йорты төзелгән. Быел Мамадыш районында ике күпфатирлы йортны файдалануга тапшыру планлаштырыла, дип яза «Нократ»газетасы. 2016 елдан башлап әлеге программа буенча Мамадыш районында 6 күп фатирлы йорт файдалануга тапшырылган, 90 гаилә яши башлаган. «Нократ» газетасы билгеләп үткәнчә, быел фатир алу өчен 130 гаилә үз чиратын көтә, 60 гаилә өй туе үткәрәчәк. «Арендалы торак» программасы халыкның мобильлеген тәэмин итәргә, чиратта торучылар өчен социаль найм мөмкинлеге бирергә, социаль ипотека буенча торак алу өчен беренчел взноска акчалары булмаган яшь гаиләләргә ярдәм күрсәтергә мөмкинлек бирә. Барлык аренда йортлары да уңайлы яшәү өчен кирәкле җиһазлар һәм техника белән җиһазландырылган.