Пресс-тур: авыл хуҗалыгы объектларын төзү һәм капиталь ремонт буенча программаларны гамәлгә ашыру
Пресс-тур вакытында массакүләм мәгълүмат чаралары вәкилләре Югары Бирәзә авылында 100 башка сыер абзарын капиталь ремонтлау эшләрен башкару белән таныштылар, шулай ук Арча районы Смак-Корса авылында быел ремонтланган ябык ындыр табагын карадылар. 2016 елдан башлап машина-трактор парклары ремонт буенча программа эшли башлады. Барлыгы 4 ел эчендә әлеге программалар кысаларында 1171 сыер абзары, 91 яшелчә-бәрәңге саклагыч, 118 машина-трактор парклары ремонтланган һәм 539 силос-сенаж чокырлары төзелгән. 2017 елда 2016 ел бюджет акчаларын янга калдыру хисабына өстәмә рәвештә 15 машина-трактор парклары һәм 30 сыер абзары ремонтланган. 2018 елда 232 сыер абзары, 64 машина-трактор паркы, 11 яшелчә-бәрәңге саклагыч капиталь ремонты һәм 123 силос-сенаж чокыры төзелеше планлаштырылган. Моннан тыш, 2018 елда ындыр табагы хуҗалыклары капиталь ремонты программасы башлана. Республика программасы кысаларында 373,2 млн.сумга 128 ындыр табагы хуҗалыкларын ремонтлау планлаштырыла.