“Россиянең иң төзек шәһәре (авылы)” бөтенроссия бәйгесендә Татарстанннан катнашучылар билгеләнде

Бүген ТР Төзелеш министрлыгында “Россиянең иң төзек шәһәре (авылы)” бөтенроссия бәйгесенең беренче этапы узды. Конкурс комиссиясе утырышын министрның урынбасары Юрий Аляшев алып барды.

Торак-коммуналь хуҗалыгы үсешендә һәм төзекләндерү буенча иң яхшы нәтиҗәләр күрсәткән шәһәр һәм авылны билгеләү өчен уздырыла әлеге конкурс, - дип аңлатты ул.

Конкурсның беренче этапын узган катнашучыларның материаллары Бөтенроссия конкурсына җибәреләчәк.

Бүгенге бәйгедә урыннар болай булып билгеләнде:

- икенче категория – халкы 100 меңнән артыграк булган шәһәрләр арасында 1 урын Яр Чаллы ш., 2 урын Түбән Кама ш. , 3 урын Әлмәт ш.;

- өченче категория – халкы 100 меңгә кадәр булган шәһәрләр арасында 1 урын –  Мамадыш ш., 2 урын – Минзәлә ш., Азнакай ш., 3 урын Зәй ш., Бөгелмә ш., Алабуга ш.;

- дүртенче категория – халкы 5 меңнән артыграк булган авыл җирләре арасында 1 урын – Актаныш авылы, 2 урын Сарман авыла, 3 урын Сарман районы Җәлил шәһәр типындагы поселогы;

- алтынчы категория – халкы 3 меңгә кадәр булган авыл җирлекләре арасында 1 урын – Актаныш муниципаль районының Иске Байсар авылы, 2 урын – Ютазы муниципаль районының Кече Уруссу авылы, Яңа Шешмә муниципаль районының Акбүре авылы, 3 урын – Зәй муниципаль районының Якты күл авылы, Түбән Кама муниципаль районының Шереметьевка авылы.