Ирек Фәйзуллин MES-2018 XII Халыкара конференциясендә катнашты
Татарстан Республикасы төзелеш, архитектура һәм торак-коммуналь хуҗалык министры Ирек Фәйзуллин "Медицина архитектурасы – 2030. Кеше сәламәтлеге киләчәген формалаштыручы төп трендлар» MES-2018 XII Халыкара конференциясе пленар дискуссиясендә катнашты. Пленар утырыш башланыр алдыннан министр медицина техникасы, җиһазлары һәм инновацион медицина технологияләре күргәзмәсен карап чыкты. Конференция ачылышында Ирек Фәйзуллин билгеләп үткәнчә, сәламәтлек теләсә кайсы цивилизацияле җәмгыятьнең иң зур байлыгы булып тора. Мораль һәм физик яктан искергән медицина хезмәте күрсәтү объектлары үз алдына куелган бурычларны тулысынча хәл итә алмый, шуңа күрә республика сәламәтлек саклау өлкәсендәге объектларны яңадан торгызу һәм модернизацияләү процессларына зур игътибар бирә: "2012 елдан 2016 елга кадәр 2005 объектта эшләр башкарылган, шул исәптән 1033,5 млн сумлык 383 объект төзелгән, 583,9 млн сумлык 1622 объектта капиталь ремонт үткәрелгән. 2017 елда 42 ФАП, 5 ПАБ, 6 табиб амбулаториясе төзелде. 6 ашыгыч медицина ярдәме станциясе, 8 амбулатор-поликлиника учреждениесе капиталь ремонтланган, 10 медицина җиһазлары һәм 330,0 млн сумлык мебель белән җиһазландырылган. 2018 елга планнар турында сөйләде, 44 ФАП, 11 табиб амбулаториясе төзү, 330 млн сумлык 7 объектка капиталь ремонт ясау һәм аларны җиһазлау планлаштырыла. Татарстан Төзелеш министрлыгы башлыгы конференция чираттагы тапкыр яңа техник, конструктив һәм архитектура карарлары, алдынгы эшләнмәләр, төзелеш тармагы һәм сәламәтлек саклау системасының үсеш перспективалары буенча эксперт фикер алышу өчен менә дигән мәйданчык булачагына ышаныч белдерде. Ул барысына да уңышлар һәм конструктив эшләр теләде.