11 февральдә Татарстан Республикасы Питрәч районының Яңа Шигали авылында 160 урынга исәпләнгән балалар бакчасына ярашлылык турында бәяләмә бирелде, дип хәбәр итә ТР Дәүләт төзелеш күзәтчелеге инспекциясе матбугат хезмәте.
Объектны төзүче - «ТР Баш инвестицион-төзелеш идарәсе» ДКУ. Бинаның гомуми мәйданы - 3887,6 кв.метр.
Яңа объект проект документларының барлык таләпләренә дә җавап бирә. "Балалар бакчасы кулланыла торган энергетика ресурсларын исәпкә алу җайланмалары белән тәэмин ителгән", – дип билгеләп үтте чыганак.
Шулай ук балалар бакчасы аз хәрәкәтләнүче халык төркемнәре өчен җайлаштырылган.