Татарстан Республикасы Төзелеш, архитектура һәм торак-коммуналь хуҗалык министрлыгы

Алексей Фролов төзүчеләрнең эскроу счетларын кулланып проект финанславына күчү мәсьәләсе буенча киңәшмәдә чыгыш ясады

2019 елның 19 июле, җомга

Бүген Татарстан Республикасы Премьер-министрының беренче урынбасары Рөстәм Нигъмәтуллин Татарстан Республикасы территориясендә торак төзелешен алып баручы төзүчеләрнең эскроу счетларын кулланып проект финанславына күчү мәсьәләсе буенча киңәшмә үткәрде. Киңәшмә Татарстан Республикасы Хөкүмәте Йортында республиканың барлык муниципаль районнары белән видеоконференцэлемтә режимында узды. ТР Төзелеш, архитектура һәм торак-коммуналь хуҗалык министрының беренче урынбасары Алексей Фролов эскроу счетларын кулланып, гамәлгә ашырыла торган торак төзелеше проектлары буенча Татарстан Республикасындагы хәл турында сөйләде. «Министрлык тарафыннан, өлешләп төзү өлкәсен тикшереп тору буенча Татарстан Республикасы муниципаль районнарының һәм шәһәр округларының вәкаләтле органнары һәм базарда катнашучылар белән берлектә, тиешле эш җайга салынган. Атна саен Төзүчеләр, банклар, муниципалитетлар һәм контрольлек итүче органнар катнашында киңәйтелгән киңәшмәләр уза, вәкаләтле банкларның җитәкчеләре белән консультацияләр үткәрелә, төзүчеләрне укыту оештырылды һәм контрольлек итүче органнар, төзүчеләр һәм банк секторы өчен төрле семинарлар үткәрелә». Алексей Фролов шулай ук базарда 200дән артык катнашучының бердәм мессенджерга берләшүен, анда барлыкка килә торган мәсьәләләргә оператив рәвештә норматив хокукый актлар, эксперт фикерләре белән алмашу мөмкинлеге тудырылуын хәбәр итте. Алексей Михайлович билгеләп үткәнчә, 2019 елның 18 июленә республикада, № 214-ФЗ Федераль закон нигезендә, 85 төзүченең эшчәнлеген гамәлгә ашыра, алар тарафыннан гомуми мәйданы 3 млн.509,5 мең кв. м. булган 227 күпфатирлы йорт төзелә һәм алар буенча өлешле төзелештә катнашу буенча 18 724 шартнамә төзелгән. Алексей Фролов, шулай ук, үткәрелә торган эш кысаларында, контрольлек итүче органнарга, төзелеш әзерлеге динамикасын күрсәтеп, объектлар төзелешенең барышына мониторингта ярдәм күрсәтергә кушты.Киңәшмә барышында билгеләп үтелгәнчә, республикада эскроу счетларын кулланып проект финанславы буенча эшчәнлекне 18 банк башкара ала. Төзүчеләр белән эшкә 10 банк кереште. Вәкаләтле 10 банкта 82 объект - 109 гариза карала.

БАРЛЫК ЯҢАЛЫКЛАРНЫ УКУ