Татарстан Республикасы Төзелеш, архитектура һәм торак-коммуналь хуҗалык министрлыгы

Татарстанда 1 млн. 450 мең кв. метр торак фәйдалануга тапшырылган

2012 елның 7 сентябре, җомга

Агымдагы елның 8 ае нәтиҗәләре буенча Татарстанда 1 млн. 450 мең кв. метр торак файдалануга тапшырылган, әлеге сан еллык бурычның 58,5 процентын тәшкил итә. Ел ахырына кадәр тагын 1млн. 30 мең кв. метр торакны төзергә һәм файдалануга тапшырырга кирәк. Бу турыда бүген ТР Хакимият Йортында булган киңәшмәдә әйтелде. Әлеге киңәшмә Татарстан Президенты Рөстәм Миңнеханов рәислегендә үттте.

ТР Төзелеш, архитектура һәм ТКХ министры Ирек фәйзуллин үз докладында хәбәр иткәнчә, социаль ипотеканың 34 объекты әзерлекнең югары дәрәҗәсендә, 5 объект әзерлекнең уртача дәрәҗәсендә торалар. Соңгы ике атна эчендә гомуми мәйданы 8,2 мең кв. метр булган 117 фатирлы 4 торак йорт файдалануга тапшырылды.

Республикада 774 БВС ветераны өчен 148 йорт төзелә. Шулар арасыннан 62 объект әзерлекнең югары дәрәҗәсендә, 57 объект түбән, 29 объект түбән дәрәҗәдә тора. Бүгенге көндә 22 муниципаль оешмадагы , агымдагы елның июнҗ аенда субсидия алган 74 ветеран килешүләрен күрсәтмәделәр.

Файдалануга тапшырырга әзерләнә торган 63 күп фатирлы инвестицион торак йортның 40ы әзерлекнең югары дәрәҗәсендә. Республика буенча аз катлы төзелеш өлкәсендә, индивидуаль торак төзелешен исәпкә алганда, 4466 объект арасында 1735 йорт әзерлекнең югары дәрәҗәсендә торалар.

ТР Төзелеш Министрлыгы тарафыннан чернобыльчеләргә һәм мәҗбүри күченеп килүчеләргә дәүләт торак сертификатларын рәсмиләштерү буенча эшләр дәвам ителә. 6 сентябрьгә 268 млн. 606 мең сумлык 176 сертификат рәсмиләштерелгән һәм җирле үзидарә органнарына тормышка ашыру өчен тапшырылган, шул исәптән чернобельчеләргә – 205 млн. 198 мең сумлык 133сертификат, мәҗбүри күченүчеләргә – 63 млн. 408 мең сумлык 43 сертификат.

Ятим балаларга республика бюджеты чараларына 2012 елда 112 млн.сумлык 124 торак сертификаты рәсмиләштерелгән, шуларның 100 реальләштерелгән.

5 яки аннан да күбрәк баласы булган күп балалы гаиләләргә 110 млн. сумлык 39 торак сертификатыннан бары тик 23 реальләшкән.

Проблемалы торак йортлар мониторингы дәвам итә. Казанда төзелеп килүче 14 объектның 1се графиктан арта кала ( җылылык белән тәэмин итүнең тышкы челтәрләрен урнаштыру буенча): Ульянов-Ленин, 25 урамындагы 48 кв. метр ( төзүчесе “Фирма Свей” ҖЧҖ).

Авылларда клублар төзү программасы буенча артта калучылар исемлегендә Актаныш, Апас, Бөгелмә, Югары Ослан, Алабуга, Кайбыч, Кама –Тамагы, Лениногорск һәм Мөслим районнары бар.

“Бүгенге көндә46 клубның 2се өчен генә файдалануга тапшыру срогы озайтылды. Калган районнар график буенча объектларын 30 сентябрьгә тапшырырга тиеш иделәр. Республиканың 9 районы бу срокка тапшыра алмый”, - дип хәбәр итте ТР Төзелеш Министрлыгы башлыгы.

Авария хәлендәге торакны ликвидацияләү программасы буенча 29 муниципаль оешма арасыннан 15 район гына муниципаль контрактларын һәм сатып алу килешүләрен күрсәтте. Алар арасыннан, бары тик 8 муниципалҗ район гына мунициапаль контрактларын һәм сатып алу килешүләрен программаның бөтен күләменә тәкъдим иттеләр: Алексеевск, Апас, Арча, Югары Ослан, Кама-Тамагы, Түбән Кама, Спасс һәм Тукай районнары.

Республиканың муниципаль оешма җитәкчеләре адресына төзелешнең муниципаль контрактлар һәм сатып алу договорлары күрсәткән контроль срогы - 2012 елның 24 сентябре икәнен аңлаткан хатлар җибәрелгән.

Ирек Фәйзуллин әйтүенчә, билгеләнгән чараларны билгеләнгән срокта үтәмәгән очракта, элек җибәрелгән акчалар районнардан кире алыначак. “Әгәр дә район бу эшне үти алмаса, акчаларны дөрес үзләштерә торган районга бхлеп биреләчәк”, - диде ул. Алабуга, Тукай һәм Минзәлә муниципаль районнары Республика адреслы программаларын эзү куркынычы астына куялар.

Рөстәм Миңнеханов үз эшәрен үти алмаган район башлыкларын кискен тәнкыйтьләде. “ Авыл клублары төзелгән булырга тиеш инде. Акча бүленеп бирелә, халык сезгә ышана, ә сез бүгенге көнгә кадәр бу проблеманы чишә алмыйсыз”, - дип Рөстәм Миңнеханов төзелеш графигыннан артта калган район башлыкларына мөрәҗәгать итте.

Республика башлыгы ассызыклавынча, 1 клуб төзү 1 йорт төзү кебек, куү көч кирәкми, шуңа да карамастан, район җитәкчеләренең барысы да дә бу бурычны үти алмый. “ Кешеләргә кирәкле торак, клублар һәм башка объектларны төзергә һәм билгеләнгән срокка төзергә кирәк. Әгәр дә район башлыклары үз эшләрен эшли алмасалар, димәк билгеле бер нәтиҗәләр ясарга кирәк. Мин карарлар кабул итәргә мәҗбүр булам, муниципаль оешма җитәкчеләренең гамьсезлеге аркасында кешеләр зыян күрергә тиеш түгел, безгә мондый эшчеләр кирәк түгел”, - диде Р. Миңнеханов. Район җитәкчесе төзелеше өчен акчалар бүлеп бирелгән объктларны вакытында тапшырырга гына түгел, инвестицияләрне дә җәлеп итәргә тиеш булуларын да ассызыклады.

Люция Камалова, “Татар-информ” ИА

БАРЛЫК ЯҢАЛЫКЛАРНЫ УКУ