Татарстанда көн саен төзелештә эшче көчләр мониторингы алып барыла

Хәзер Татарстанның төзелеш мәйданнарында башка ил гражданнары эшләми. ТР Төзелеш, архитектура һәм торак-коммуналь хуҗалык министры Фәрит Хәнифов журналистлар белән онлайн-конференциядә республиканың барлык төзелеш компанияләренә тиешле тыю турында хәбәр итте. "Күп кенә төбәкләрдә төзелеш комплексы тулысынча диярлек читтән килгән кешеләрдән тора. Вахта шәһәрчекләрен ничек тә булса карап тотарга, санитар-эпидемиологик чараларны тормышка ашырырга омтылышлар булды. Аларның ничек килеп чыкканын белмим", - диде ул. «Республикада көн саен эшче көчләргә мониторинг үткәрәләр, безнең төзелештә эшчеләр кытлыгы юк», — дип өстәде министр.