Түбән Камада 120 фатирлы социаль ипотека йортына халык күчергәннәр

Түбән Каманың 34нче микрорайонында 120 фатирлы 34-4 йортка күченү булды. Тынычлык проспектындагы 117 йортта бюджет оешмалары хезмәткәрләре, медицина хезмәткәрләре — грантлар алучылар, яшь гаиләләр, шулай ук «Арендалы торак»программасында катнашучылар яшәячәк. Яңа йортта 10 кат һәм өч подъезд, фатирларның гомуми мәйданы (шуларның 60 — ике бүлмәле һәм 60 — өч бүлмәле) 7,5 мең квадрат метр тәшкил итә. Барлык фатирлар да чиста бизәкләү эшләренә тапшырыла, сантехника, газ плитәләре, извещатель белән төтенләү датчигы, су, газ һәм электр энергиясен исәпкә алу счетчиклары, җылылык регуляторлары белән тәэмин ителгән.