Яңа Чишмәдә урта мәктәпкә капиталь ремонт ясала

2026 елның 29 мае, җомга

Яңа Чишмәдә урта гомуми белем бирү мәктәбенә капиталь ремонт ясала.

Гомуми мәйданы 2503 кв. м булган ике катлы бинада төзүчеләр инженер-техник тәэмин итү челтәрләрен ремонтлый, тәрәзәләрне, ишекләрне алыштыра, түбә яба, биналарны бизи, фасадны төзекләндерә.

Программа кысаларында яңа җиһазлар кайтару планлаштырыла. Оператив үтәлеш 15% ка җитте.

Агымдагы елда Татарстанда 63 мәктәпкә капиталь ремонт ясалачак, бу максатларга 6,8 млрд сумнан артык акча бүлеп бирелгән. Программаның гомуми үтәлеше 45% ка бәяләнә.

ТР ГИСУ фотосы