Чаллының Элеватор Тавы бистәсендәге яңа коммуналь челтәрләр 2000нән артык кешегә сыйфатлы хезмәт күрсәтергә мөмкинлек бирәчәк
Яр Чаллы Элеватор Тавы поселогында су агызу системалары төзелеше төгәлләнеп килә. Объект 317,8 млн сум финанслау белән «Тормыш өчен инфраструктура» илкүләм проектының коммуналь инфраструктураны модернизацияләү федераль программасына кертелгән.
Төзелеш барышын ТР Төзелеш, архитектура һәм торак-коммуналь хуҗалык министры урынбасары Мәҗит Салихов тикшерде. Ул билгеләп үткәнчә, апрельдә башланган төзелеш-монтаж эшләре билгеләнгән график буенча бара һәм сентябрь ахырына тәмамланырга тиеш.
Хәзерге вакытка үтәлеш 75% ка җиткән. Белгечләр планлаштырылган 15,4 чакрымнан 11 чакрымга якын полиэтилен торба сузганнар, 245 чакрымнан 67 кое урнаштырганнар.
Корыч торба 1978 елда файдалануга тапшырылган һәм 80% тан артык тузган. Торбаларның гидроизоляциясе бозылган, монда даими авария хәлләре теркәлгән.
Яңа коммуналь челтәрләр бистәнең 2000нән артык кешесенә ышанычлы һәм сыйфатлы хезмәт күрсәтергә мөмкинлек бирәчәк.
Исегезгә төшерәбез, агымдагы елда Татарстанда «Тормыш өчен инфраструктура» илкүләм проекты программасы буенча 2,514 млрд сумлык 17 объект модернизацияләнәчәк.