Яшел Үзән, Менделеевск һәм Баулы районнарында универсаль спорт мәйданчыклары төзелде

2026 елның 30 мае, шимбә

Агымдагы елда Татарстанда гомуми суммасы 4,6 млрд сумнан артыграк булган 14 спорт объекты төзеләчәк. Бу хакта бүген ТР Төзелеш, архитектура һәм торак-коммуналь хуҗалык министры Марат Айзатуллин ТР Хөкүмәте Йортында узган традицион киңәшмәдә искәртте.

Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

Лениногорск, Алексеевск, Чүпрәле һәм Теләче районнарында 4 ябык футбол манежы төзелеше 27% ка җиткән.

6 универсаль спорт мәйданчыгының өчесе Яшел Үзән, Менделеевск һәм Баулы районнарында төзелгән. Планның гомуми үтәлеше 29% дип бәяләнә.

3 боз аренасы төзелешенең барышы 32 процентта теркәлгән.

Казанда футболны үстерү үзәге төзелеше 76% ка гамәлгә ашырылган.