Татарстанда федераль һәм республика программалары буенча барлык капремонт объектлары төгәлләнгән
Татарстан Республикасында федераль һәм республика программалары буенча барлык капиталь ремонт объектлары төгәлләнгән. Бу хакта бүген ТР Хөкүмәте Йортында узган киңәшмәдә ТР Төзелеш, архитектура һәм торак-коммуналь хуҗалык министры Марат Айзатуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин катнашты.
Марат Айзатуллин билгеләп үткәнчә, сәламәтлек саклау тармагында бу атнага 138 объект ремонтланган. Соңгы 7 объектны файдалануга тапшыру нәтиҗәсендә – Казанда, Чирмешән, Алабуга, Саба районнарында берәр, Түбән Кама районында өчәр стационарларны ремонтлау республика программасын төгәлләделәр. Ел йомгаклары буенча республиканың 15 муниципалитетында 30 объект ремонтланган.
Яшьләр сәясәте тармагында барлык 28 объектта да эшләр төгәлләнгән. Шулай итеп, агымдагы ел лимитлары буенча эшләр тәмамлану белән Чүпрәле районындагы ике объектта һәм Казанда 6 яшьләр үзәгендә ремонт программалары тәмам. Узган ике атнада подрядчылар агымдагы ел лимитлары кысаларында Анапа шәһәрендәге һәм Менделеевск районындагы соңгы ике лагерьда эшләрне төгәлләделәр, шулай итеп 9 балаларны савыктыру лагерен ремонтлау программасын эшләп бетерделәр. Соңгы объектны файдалануга тапшыру белән Казанда 6 яшүсмерләр клубында ремонт программасы төгәлләнгән. Шулай ук 5 психологик-педагогик ярдәм үзәгендә ремонт эшләре төгәлләнгән. Агымдагы атнада подрядчылар Чистай, Яшел Үзән һәм Зәй районнарында соңгы өч объектны тапшырдылар.
«Мәдәният» тармагындагы барлык 24 объект ремонтланган. Агымдагы ел лимитлары кысаларында 19 мәдәният учреждениесендә ремонт программасы тәмамланган (соңгы объект - Казандагы яшь тамашачы театры буенча эшләр тәмамланган («Мәдәният» илкүләм проекты кысаларында).
Республика программаларына килгәндә, Лениногорск, Алексеевск һәм Сарман районнарында 18 хәрби комиссариат өч объектны сафка бастырган. Казандагы соңгы объектта эшләр тәмамланган – җәмәгать судьяларының ике бинасын ремонтлау программасы буенча.