«Төзелеш тармагы лидерлары» V Бөтенроссия идарәчеләр конкурсына теркәү дәвам итә
27 февральдә «ТАСС» мәгълүмат агентлыгы мәйданчыгында «Төзелеш тармагы лидерлары» идарәчеләренең V Бөтенроссия конкурсында катнашучыларны теркәү рәсми рәвештә башлану буенча матбугат конференциясе узды.
Конкурсның максатлары арасында: төзелеш һәм торак-коммуналь хуҗалык тармаклары оешмалары һәм предприятиеләре лидерларына ярдәм итү, конкурсантларның һөнәри казанышларын халык алдында күрсәтү аша Россия җәмгыятендә әлеге тармакларның абруен күтәрү.
Конкурс 4 этапта уза.
27 февральдән 1 июньгә кадәр узачак беренче дистанцион этапта катнашучылар конкурсның рәсми сайтында теркәлә һәм анкеталар тутыра.
Икенче этапта, шулай ук дистанцион этапта (15 майдан 15 июньгә кадәр) катнашучылар идарә итү потенциалына, лидерлык сәләтләренә, һөнәри компетенцияләр дәрәҗәсенә онлайн-тест узачаклар.
Өченче дистанцион ярымфинал барышында (20 июньнән 15 июльгә кадәр) конкурсантлар өчен алдынгы министрлыклар һәм ведомстволардан белем бирү программалары оештырылды. Биредә катнашучылар социаль-икътисади уеннар форматында үзләренең һөнәри осталыкларын күрсәтәләр.
Финал 7-10 август көннәрендә Ярославльдә төзүчеләр көне алдыннан узачак. Конкурсантлар проект офислары составында тармак бизнес-уеннарында катнашачаклар, ярымфинал кысаларында эшләнгән проектларын тәкъдир итәчәкләр.
Конкурс финалистлары һәм җиңүчеләре – төзелеш тармагының кадрлар резервына, ә җиңүчеләрнең проектлары тармакны үстерү стратегиясенә керәчәк.
Конкурста катнашу өчен түбәндәге рәсми сайтта теркәлергә кирәк: www.stroyleaders.ru.
Исегезгә төшерәбез, «Төзелеш тармагы лидерлары» конкурсы 2021 елдан бирле гамәлгә ашырыла. Һәм һәр тапкыр катнашучы саны арта. Әгәр 2021 елда теркәлгән катнашучыларның гомуми саны 9 765 кеше булса, 2024 елда инде 18 438 катнашучы теркәлгән.