Сокурыда лицейның яңа корпусын төзеп бетерделәр
Лаеш районының Сокуры авылында Г.Р. Державин исемендәге күп профильле лицейның яңа корпусын төзеп бетерделәр. Өстәмә уку урыннары булдыру буенча эшләр Татарстан Республикасы Рәисе инициативасы белән башкарылды.
Гомуми мәйданы 5 мең кв метрдан артык булган яңа 4 катлы корпус 618 укучыга исәпләнгән. Объектта төзелеш-монтаж эшләре төгәлләнгән, эшләтеп җибәрү-көйләү эшләре алып барыла.
Өстәмә бинада балаларны уңайлы укыту һәм һәрьяклап үстерү өчен барысы да каралган – иркен уку кабинетлары, һөнәри җиһазлар куелган ашханә, түгәрәкләр өчен уңайлы бүлмәләр, укытучылар һәм заманча сыйныфлар. Уку бүлмәләре кирәкле техник җиһазлар һәм инвентарь белән тәэмин ителгән.
Яңа корпус янында ясалма өслекле футбол кыры, волейбол һәм баскетбол белән шөгыльләнү өчен мәйданчыклар, шулай ук воркаут-зоналар булдырылган.