Татарстанда 2 млн 857 мең кв. м төзелгән
Татарстанда торакны файдалануга тапшыру буенча еллык план 88% ка үтәлгән, әлеге күрсәткеч 2 млн 857 мең кв. м тәшкил итә. Бу хакта узган шимбәдә ТР Хөкүмәте Йортында узган республика киңәшмәсендә ТР Төзелеш, архитектура һәм ТКХ министры вазифаларын башкаручы Марат Айзатуллин хәбәр итте. Киңәшмәне барлык районнарның видеоконференцэлемтәсе буенча Татарстан Рәисе Рөстәм Миңнеханов үткәрде.
Татарстан Республикасы Төзелеш министрлыгы башлыгы хәбәр иткәнчә, башкарылуның минималь проценты коммерцияле төзелеш линиясе буенча теркәлә: 37%, ягъни гомуми мәйданы 616 мең кв. метрдан артык булган 76 күпфатирлы йорт.
Социаль ипотека программасы буенча 35 йортның 125 мең кв.м мәйданлы 16сы әзер. Еллык планның үтәлеше 77% дип бәяләнә.
Иң тиз темплар белән индивидуаль торак төзелеше бара: гомуми мәйданы 2 млн 115 мең кв. м булган 15 670 йорт файдалануга тапшырылган.