Татарстанда алдагы җылыту чорына әзерлек дәвам итә
ТР Төзелеш министрлыгында 2026-2027 елларның җылыту чорына әзерлек буенча республика штабының чираттагы утырышы булды.
ТР Төзелеш, архитектура һәм торак-коммуналь хуҗалык министры урынбасары Мәҗит Салихов социаль-мәдәни учреждениеләрнең һәм күпфатирлы йортларның тормыш тәэмин итү системаларын кышкы сезонга әзерләү буенча чаралар үтәлеше турында сөйләде.
Муниципаль районнар тарафыннан «Торак фонды мониторингы» системасына кертелгән мәгълүматлар буенча, 1196 мәгариф объектында эшләр тәмамланган, бу 38% тәшкил итә; 762 сәламәтлек саклау объектында (41%); 841 мәдәният объектында (45%); 78 социаль яклау объектында (47 %); 132 спорт объектында (45 %) һәм 30 яшьләр объектында (28%).
18 224 күпфатирлы йортның 878сенә әзерлек паспорты күрсәтелгән – план 5% ка үтәлгән.
Шулай ук Татарстан Республикасы Төзелеш, архитектура һәм торак-коммуналь хуҗалык министры урынбасары җылылык белән тәэмин итү, су белән тәэмин итү һәм ташландык суларны агызу өлкәсендәге мөһим объектлар исемлеген формалаштыру турында искәртте. Моның өчен муниципалитетларга соралган мәгълүматны ашыгыч рәвештә бирергә кирәк.