Илкүләм проект буенча Яр Чаллының 31 микрорайонында квартал эчендәге канализация челтәрләренә капиталь ремонт ясала
Яр Чаллыда 31 микрорайонның квартал эчендәге канализация челтәрләренә капиталь ремонт ясала. Әлеге объектны заманчалаштыру 186,7 млн сум финанслау белән «Яшәү өчен инфраструктура» илкүләм проекты программасына кертелгән.
«Татарстан Республикасы инженерлык челтәрләренең баш идарәсе» ДКИ мәгълүматлары буенча, эшчеләр 451 м диаметры 800 мм булган полиэтилен торба салганнар. 1450 м озынлыктагы участокта 500 мм диаметрлы торбаларны алыштырасы калган. 49 коедан 42се монтажланган. Төзелеш-монтаж эшләрен августта тәмамлау планлаштырыла. Хәзер объектның әзерлеге 55% дип бәяләнә.
Корыч торба үткәргеч 1973 елда төзелгән һәм 87% тан артык тузган. Эксплуатация вакытында торбаларның гидроизоляциясе бозылган, торбаларның эчке һәм тышкы өслегендә күпсанлы җәрәхәт коррозиясе теркәлгән. Тикшерелгән участокларда берничә тапкыр суның агуы бетерелде.
Ремонтланган канализация челтәрләре Чаллының 31 микрорайонында яшәүче 28 123 кешегә сыйфатлы хезмәт күрсәтергә мөмкинлек бирәчәк.
Элегрәк Татарстан Республикасы Төзелеш министрлыгы башлыгы Марат Айзатуллин хәбәр иткәнчә, Яр Чаллыда «Яшәү өчен инфраструктура» илкүләм проекты буенча коммуналь өлкәнең 15 объекты яңартылачак.