Илдар Халиков:”ТРның төзелеш өлкәсенә ышанычлы алгарышны дәвам итүен телим”

Бүген Казанда Татарстанның 2013 елдагы төзелеш өлкәсе эшләренә йомгак ясалды. ТР Төзелеш, архитектура һәм торак коммуналь хуҗалыгы(ТКХ) министрлыгы киңәшмәсендә ТР Премьер-министры Илдар Халиков катнашты.

2013 елдагы төзелеш өлкәсендәге эшләр турында ТР төзелеш, архитектура һәм ТКХ министры Ирек Фәйзуллин доклад ясады. Министр сүзләренчә, Универсиадага әзерлек быел төзүчеләр өчен төп бурыч була, һәм алар бу бу бурычны уңышлы үтәгәннәр.

Ирек Фәөзуллин шулай ук 2013 елда гамәлгә ашырылган башка программалар турында да хәбәр итте, алар – торак йортлар төзү һәм капремонт ясау, Казанның тарихи үзәген яңадан торгызу, сәнәгать объектлары, балалар бакчалары һәм сәламәтлек саклау учреждениеләре төзү.

Илдар Халиков үзенең чыгышында, Казанда 2013 елдагы кебек зур күләмле төзелешләр булганы юк иде әле. “Без мондый әһәмиятле объектлар төзү мөмкинлеге булу белән бәхетле, һәм тагын да күңеллесе, без бу бурычны уңышлы үтәдек”,-дип белдерде ул.

Шуның белән бергә, республикада башка төзелеш проектлары да туктап калмады, дип ассызыклады Премьер-министр. “Яңа проектлар барлыкка килде, һәм алар барысы да тиешле дәрәҗәдә сыйфатлы итеп башкарылды”,-диде ул.

Үзенең чыгышын тәмамлап, Илдар Халиков төзүчеләргә Татарстан Президенты Рөстәм Миңнеханов исеменнән рәхмәт белдерде һәм бүләкләр тапшырды.